قازاقستاندا كوروناۆيرۋس بويىنشا 10 ساۋىردەگى ەپيدەميولوگيالىق جاعدايعا سايكەس ىندەت جۇقتىرعان 21 ادام تىركەلدى. الماتى قالاسىندا كوروناۆيرۋس ىندەتىنەن ءبىر ناۋقاس كوز جۇمدى.

بۇگىنگى كۇنگە دەيىن كوروناۆيرۋستىڭ 802 جاعدايى تىركەلگەن. 60 ادام اۋرۋدان ايىعىپ شىقسا، 9 ادام ىندەتتەن كوز جۇمدى.

الماتىدا قايتىس بولعان ناۋقاس 1956 جىلى دۇنيەگە كەلگەن. پاسيەنت بايلانىستا بولعاندار قاتارىنان، ونىڭ وڭ تالداۋى 16 ناۋرىزدا انىقتالدى.

قوسىمشا اۋرۋلار، اتاپ ايتقاندا وكپەنىڭ سوزىلمالى وبسترۋكتيۆتى اۋرۋلارى، جۇرەكتىڭ سوزىلمالى جەتكىلىكسىزدىگى مەن جۇرەكتىڭ يشەميالىق اۋرۋلارى، ستەنوكاردياسى، ارتەريالىق گيپەرتەنزياسى بويىنشا ناۋقاس 18 ناۋرىزدا رەانيماسيا جانە قارقىندى تەراپيا بولىمشەسىنە ورنالاستىرىلعان. 

جۇرگىزىلگەن قارقىندى تەراپياعا قاراماستان، جاعداي پوليورگاندىق جەتكىلىكسىزدىكتىڭ سالدارىنان ناشارلادى.

9 ساۋىردە قوسىمشا اۋرۋلارىنىڭ ۇدەۋى كۇشەيىپ، قان اينالىمى توقتادى. 30 مينۋت بويى جۇرگىزىلگەن رەانيماسيالىق ءىس-شارالار ءساتسىز بولىپ، ناۋقاستى قۇتقارۋ مۇمكىن بولمادى.

نەگىزگى دياگنوزى: COVID-19 كوروناۆيرۋستىق ينفەكسياسى، راستالعان جاعداي. ەكى جاقتى پوليسەگمەنتتى پنيەۆمونيا، اۋىر اعىمى. ەكى جاقتى پليەۆريت. وكپەنىڭ ءىسىنۋى، لايەللا سيندرومى.