كوروناۆيرۋسپەن كۇرەسۋگە جۇمىلدىرىلعان 2 مىڭنان اسا مەديسينا قىزمەتكەرى تۇڭعىش پرەزيدەنت نۇرسۇلتان نازاربايەۆتىڭ باستاماسىمەن قۇرىلعان «Birgemiz» قورىنان 50 000 تەڭگەدەن اقشالاي تولەم الدى. وسى ماقساتقا دەمەۋشىلىك قاراجاتتان 100 ملن تەڭگەدەن استام قاراجات ءبولىندى.

قور ءتوراعاسى رۋسلان ساكەيەۆتىڭ مالىمەتىنشە، ءبىرجولعى تولەمدى بۇگىن ەلوردا مەن الماتىداعى 29 مەديسينالىق مەكەمەدە جۇمىس ىستەيتىن 2112 اقحالاتتى العان.

«مەملەكەت باسشىسى الەۋمەتتىك جاعدايى تومەن تۇرعىندارعا جانە بۇگىندە كوروناۆيرۋس ىندەتىمەن كۇرەستە الدىڭعى شەپتە جۇرگەن دارىگەرلەرگە قولداۋ كورسەتۋ ءۇشىن بۇرىن-سوڭدى بولماعان بىرەگەي شەشىم قابىلدادى. ەلباسى تاپسىرماسى بويىنشا «Birgemiz» قورى دا «Nur Otan» پارتياسىنىڭ قولداۋىنىڭ ارقاسىندا وسى باعىتتاعى جۇمىستاردان تىس قالىپ وتىرعان جوق. كۇنى كەشە عانا ءبىز 23 قالانىڭ 150 مىڭنان استام مۇقتاج وتباسىنا 50 تەڭگە كولەمىندە ءبىرجولعى اقشالاي كومەك بەرۋدىڭ ءبىرىنشى كەزەڭىن باستادىق. سونىمەن قاتار، ىندەت جۇقتىرعانداردىڭ باسىم بولىگى نۇر-سۇلتان مەن الماتى قالالارىندا ەكەنىن بىلەسىزدەر. وسى قالالاردىڭ مەديسينا قىزمەتكەرلەرى قازىرگى تاڭدا كۇنى-تۇنى جۇمىس ىستەۋدە. ولاردىڭ وتباسىلارىن كورۋگە، ءتىپتى، تىنىعۋعا دا مۇرشالارى جوق. سوندىقتان ءبىز ولارعا قازاقستاندىقتاردىڭ دەنساۋلىعىنا دەگەن قامقورلىعى ءۇشىن ريزاشىلىعىمىزدى ءبىلدىرىپ، «Birgemiz» قورىنان قارجىلاي كومەك بەرۋ ارقىلى قولداۋ كورسەتكىمىز كەلەدى» دەدى رۋسلان ساكەيەۆ.

ال سول كەزدە دارىگەرلەر الەۋمەتتىك جەلىلەردە وزدەرىنىڭ اسەرلەرىمەن ءبولىسىپ جاتىر.

«جان-جاقتى قولداۋ كورسەتكەندەرىڭىز ءۇشىن راقمەت! بۇل ءبىزدىڭ رۋحىمىزدى كوتەرىپ، جىگەرلەندىرەدى! مەنىڭ قازاقستانىم بىرگە بارلىق قيىندىقتاردى جەڭەدى دەپ سەنەمىن!!! ءبىز بىرگەمىز!!!» دەپ جازدى ەلوردالىق №3 كوپبەيىندى بالالار اۋرۋحاناسىنىڭ ينفەكسيونيست-دارىگەرى اينۋر وماروۆا.

«قازاقستاننىڭ بارلىق مەديسينا قىزمەتكەرلەرى اتىنان مەن ەلباسىمىز نۇرسۇلتان ءابىش ۇلى نازاربايەۆقا ەل ءۇشىن وسىنداي قيىن-قىستاۋ كەزىڭدەگى قامقورلىعى مەن قولداۋى ءۇشىن العىسىمدى بىلدىرەمىن. ءبىز بىرگەمىز!» دەپ اتاپ ءوتتى پسيحيكالىق دەنساۋلىق ورتالىعىنىڭ باس مەيىربيكەسى گۇلنار التىنبەكوۆا

«قازىرگى ۋاقىتتا مەديسينا قىزمەتكەرلەرىنە ماتەريالدىق، مورالدىق قولداۋ كورسەتىپ وتىرعان حالقىما، ەلباسىنا، «Nur Otan» پارتياسىنا، «Birgemiz» قوعامدىق قورىنا مىڭ العىس بىلدىرگىم كەلەدى. ءبىز بىرگەمىز! بىرگە بولساق، ءبارىن جەڭەمىز!» دەپ جازدى №3ء-شى كوپبەيىندى بالالار اۋرۋحاناسىنىڭ دارىگەرى گۇلميرا نۇرتازينا.

بۇعان دەيىن 150 مىڭنان استام مۇقتاج وتباسى دا «Birgemiz» قورىنان 50 مىڭ تەڭگەدەن اقشالاي كومەك الاتىنى ايتىلعان ەدى. العاشىندا قور قاراجاتىن 100 مىڭ مۇقتاج ازاماتقا تاراتۋ جوسپارلانعان. ايتسە دە، وڭىرلەردەن تۇسكەن وتىنىشتەر سانى ايتارلىقتاي ءوسىپ، ال پارتيانىڭ ونلاين رەسۋرستارىنا كومەك سۇراپ حابارلاسۋشىلار سانى ەكى ەسەگە ارتتى. سوندىقتان، ەلباسىنىڭ تاپسىرماسى بويىنشا مەملەكەت باسشىسىنىڭ باستاماسىمەن قولعا الىنعان «Biz Birgemiz» اكسياسىنىڭ اياسىندا، ءبىرىنشى كەزەڭدە قارجىلىق قولداۋدى 150 مىڭنان اسا مۇقتاج ازاماتقا كورسەتۋ تۋرالى شەشىم قابىلداندى.

«7،6 ميلليارد تەڭگە قاراجات ايماقتىق قورلاردىڭ ەسەبىنە ءتۇستى. اقشا سول جاقتان كومەك الۋشىلاردىڭ بانكتىك ەسەپ-شوتتارىنا اۋدارىلادى. بۇلار نەگىزىنەن كارانتين قيىندىقتارىن كوبىرەك شەگىپ جاتقان 23 ءىرى قالانىڭ تۇرعىندارى. اكىمدەر مەن الەۋمەتتىك قورعاۋ ورگاندارى ۇسىنعان كومەك الۋشىلار تىزىمدەرىندە تابىس دەڭگەيى ەڭ تومەن الەۋمەتتىك ءالسىز توپتاردان قۇرالعان ازاماتتار قامتىلعان. ونىڭ ىشىندە از قامتىلعان جانە كوپبالالى وتباسىلار، مۇقتاج مۇگەدەك جاندار، مۇمكىندىگى شەكتەۋلى بالا تاربيەلەپ وتىرعان وتباسىلار، ەڭ تومەنگى زەينەتاقى الاتىن جانە الەۋمەتتىك جاعىنان ءالسىز توپقا كىرەتىن زەينەتكەرلەر، جەتىم بالالار، ۇوس-نىڭ ارداگەرلەرى مەن ولارعا تەڭەستىرىلگەن تىل ەڭبەككەرلەرى بار» دەدى رۋسلان ساكەيەۆ.

سونىمەن قاتار، ول ماتەريالدىق كومەكتى ەكىنشى دەڭگەيدەگى بانكتەر ارقىلى جەكە تۇلعالاردىڭ كارتوچكالارىنا نەمەسە اعىمداعى ەسەپشوتتارىنا اۋدارۋ كەزىندە ودان كوميسسيا الىنبايتىنىن ايتتى. سونداي-اق، بۇل قاراجاتتىڭ نەسيەلەرى بويىنشا قارىزى بار ازاماتتاردىڭ بەرەشەگىن وتەۋ ءۇشىن ۇستالىپ قالماۋى دا قاراستىرىلعان.

جالپى ىڭ ەسەپشوتىنا 18 ملرد تەڭگەگە جۋىق قارجى ءتۇستى. «سق-فارماسيا» ۇكىمەتتىك وپەراتورىمەن نۇر-سۇلتان، الماتى جانە شىمكەنت قالالارى تۇرعىندارىنىڭ الەۋمەتتىك ءالسىز توپتارىنا تەگىن تاراتۋ ءۇشىن 5 ميلليون ماسكا ساتىپ الۋ تۋرالى شارتقا قول قويىلدى. جينالعان قاراجات جانە وڭىرلەر بويىنشا بولىنگەن كومەك تۋرالى اقپاراتتى باقىلاپ وتىرۋ ءۇشىن قور birgemiz2020.kz رەسمي سايتىن اشتى.

«Birgemiz» قوعامدىق قورىنىڭ باسپا ءسوز قىزمەتى