بۇگىندە كوروناۆيرۋستىق ينفەكسيادان 9 ناۋقاس تولىق ساۋىعىپ، ستاسيوناردان شىعارىلدى. ونىڭ 5-ەۋى ايەل، 1-ەۋى ەر ادام جانە كامەلەتكە تولماعان 3 قىز بالا – ەكەۋى 16 جاستا، بىرەۋى 17 جاسار قىز بالا.

– ولاردىڭ تورتەۋى 27 ناۋرىزدا سانكت-پەتەربۋرگتەن، ەكەۋى 24 ناۋرىز كۇنى دۋباي جانە ماسكەۋدەن، بىرەۋى 20 ناۋرىزدا ىستامبۇل – تبيليسي – الماتى چارتەرلىك رەيسىمەن ۇشىپ كەلگەن. سونىڭ ەكەۋى ينفەكسيا جۇقتىرعان اداممەن بايلانىستا بولعان، – دەدى قالالىق قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ.

ناۋقاستاردى ەمدەۋ مەرزىمى ورتا ەسەپپەن 16-18 كۇنگە سوزىلدى. بۇگىندە ولار 14 كۇندىك ءۇي كارانتينىنە شىعارىلدى.

بۇگىنگى كۇنى مەگاپوليستە كوروناۆيرۋستىق ينفەكسيادان ەمدەلىپ شىققان ادامداردىڭ سانى 37-گە جەتتى.

قازىرگى ۋاقىتتا الماتىداعى ينفەكسيالىق ستاسيوناردا ءقاۋىپتى ىندەتى ايقىن 99 ادام ەمدەلۋدە. سونىڭ ىشىندە الماتى وبلىسىنان ءبىر ناۋقاس بار.