​ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ورتالىق كوممۋنيكاسيالار قىزمەتىندەگى بريفينگتە 42 500 تەڭگەنى ساباقتان بوس ۋاقىتتا جۇمىس ىستەپ جۇرگەن ستۋدەنتتەر دە الاتىنىن  ايتتى.

– "ستۋدەنتتەر الەۋمەتتىك تولەم الا ما" دەگەن دە سۇراق كەلىپ جاتىر. بۇل رەتتە ستۋدەنتتەر دەگەن بولەك سانات جوق. سەبەبى ول – ەلىمىزدىڭ كامەلەتتىك جاسقا تولعان ازاماتى. ەڭبەك زاڭىنا سايكەس، 16 جاستان باستاپ جۇمىس ىستەۋگە بولادى. شاكىرتاقى الاتىندىعىنا، المايتىندىعىنا قاراماستان جۇمىس ىستەۋىنە ەش كەدەرگى جوق. ونداي شەكتەۋ دە قويىلمايدى، – دەدى ب. نۇرىمبەتوۆ.

ونىڭ ايتۋىنشا، ستۋدەنتتەر كافە، رەستوران، تاعى باسقا دا قوسىمشا جۇمىس ىستەپ جۇرگەنىن، توتەنشە جاعداي كەزىندە تابىسىنان ايىرىلىپ قالعانىن دالەلدەسە جەتكىلىكتى.

– مەيرامحانالاردا داياشى، دۇكەندەردە ساتۋشى بولىپ جۇمىس ىستەيتىندەر بار. ولار رەسمي جانە بەيرەسمي جۇمىس ىستەپ ءجۇر. سوندىقتان ستۋدەنتتەرگە جالپى بارلىق ازاماتتارعا بىردەي ءتارتىپ تارايدى. ەگەر رەسمي جۇمىس ىستەسە، جۇمىس بەرۋشى بەرەدى. ال ءوز بەتىنشە اقشا تاۋىپ جۇرگەندەر بولسا، ءوتىنىش بەرۋلەرى قاجەت. ءبىراق، ودان ءبىر كۇن بۇرىن ءبىرىڭعاي جيىنتىق تولەمدى تولەۋى كەرەك. سول كەزدە الەۋمەتتىك تولەم الادى. ءبىز شاكىرتاقى الاتىندىعىن نە المايتىندىعىن تەكسەرىپ جاتپايمىز، – دەدى مينيستر.

ەسكە سالا كەتسەك الەۋمەتتىك تولەم الۋعا ءوتىنىمدى eGov پورتالى، 42500.enbek.kz ۆەب-سايتى جانە Help42500Bot ادرەسى بويىنشا Telegram-بوت ارقىلى بەرۋگە بولادى.