يسپانيادا ماڭىزدى ەمەس دەپ سانالاتىن كەيبىر جۇمىس ورىندارىنا دا جۇمىستى باستاۋعا مۇمكىندىك بەرىلە باستادى. كوروناۆيرۋستان كوز جۇمعانداردىڭ سانى 17 209 بولعانىنا قاراماستان، كوروناۆيرۋستىق شەكتەۋلەر ءىشىنارا جەڭىلدەتىلە باستادى.
يسپانيا بيلىگى 30 ناۋرىزدان باستاپ بارلىق ماڭىزدى ەمەس ارەكەتتەردى توقتاتۋ ارقىلى ەلدەگى وقشاۋلاۋ شارالارىن كۇشەيتكەن.
ەلدە ونەركاسىپ پەن قۇرىلىس سالاسىنداعى جۇمىسشىلارعا ەكى اپتالىق كارانتيننەن كەيىن جۇمىسقا ورالۋعا مۇمكىندىك بەرىلدى. يسپانيا بيلىگى ۇيدەن جۇمىس ىستەي الاتىنداردى جۇمىستارىن ۇيدە جالعاستىرۋعا شاقىرادى.
سۋپەرماركەتتەر، جەمىس-جيدەك دۇكەندەرى، ناۋبايحانالار، كاساپشىلار، ءدارىحانالاردان باسقا بارلىق دۇكەندەر جابىق كۇيدە قالادى. پرەمەر-مينيستر پەدرو سانچەس حالىققا ارناعان تەلەكوپىرىندە يسپانيا كوروناۆيرۋسپەن كۇرەستە ءالى «ەكىنشى كەزەڭگە» كىرمەگەنىن ەسكەرتتى.
ايتا كەتەيىك، ەۋروپا ەلدەرىنىڭ ەكىنشى كەزەڭگە دايىندالىپ جاتقانىن حابارلاعان بولاتىنبىز.
پىكىر قالدىرۋ