Youtube جەلىسىندەگى Aina ارناسىنا سۇحبات بەرگەن قازاقستاننىڭ ەكس-پرەزيدەنتى، ءقازىر بيلىكتەگى "نۇر وتان" پارتياسىنىڭ جانە قاۋىپسىزدىك كەڭەسىنىڭ ءتوراعاسى بولىپ وتىرعان نۇرسۇلتان نازاربايەۆتىڭ ءىنىسى بولات نازاربايەۆ ءبىرىنشى ايەلى تۋرالى ايتتى.
ونىڭ سوزىنشە، ءبىرىنشى ايەلى قارا شاڭىراقتا تۇرادى.
"مەن اسكەردەن كەلگەننەن كەيىن مارقۇم اعام ساتىبالدى "ءبىرىنشى ماي" دەگەن اۋىلدا تۇراتىن. باۋىرىم ەكەۋمىز ۇشتوبەدە جۇرگىزۋشى بولىپ جۇمىس ىستەدىك. سول سوۆحوزدا گۇلجاندى كەزدەستىردىم (رەد. ءبىرىنشى ايەلىن ايتىپ وتىر). 1974 جىلى 4 جەلتوقساندا شامالعانعا الىپ كەلدىم. گۇلجان ەكەۋمىزدە ەكى قىز، ءبىر ۇل بار. وتاۋ قۇرعانىمىزعا ەلۋ جىل بولىپ قالدى. ەكەۋىمىز ءبىر-بىرىمىزدى قاراعانىمىزدان-اق تۇسىنەمىز. وزىڭە اناڭداي بولىپ كەتەدى ەكەن، ەركەلەيسىڭ وعان. نەسىن ايتايىن...؟ ونداي ادامدى ءالى كۇنگە كەزدەستىرگەن جوقپىن. وسى كۇنگە دەيىن قارسى كەلگەن ەمەس" دەدى ەكس-پرەزيدەنتتىڭ ءىنىسى.
الەۋمەتتىك جەلىدە قازاقستاندى 30 جىلعا جۋىق ۇزدىكسىز باسقارعان نۇرسۇلتان نازاربايەۆتىڭ ءىنىسى بولات نازاربايەۆتىڭ بىرنەشە ايەلى بار ەكەنى ايتىلىپ ءجۇر. ءبىراق بولات نازاربايەۆتىڭ جەكە ءومىرى تۋرالى رەسمي مالىمەت جوق.
پىكىر قالدىرۋ