وبلىس اكىمى وڭداسىن ورازالين اقتوبە قالاسىندا سالىنىپ جاتقان وبلىستىق پەريناتالدىق ورتالىقتىڭ قۇرىلىسىمەن تانىستى.
2017 جىلى باستالعان نىسان 2020 جىلدىڭ قىركۇيەك ايىندا تاپسىرىلۋى ءتيىس. 190 توسەكتىك پەريناتالدىق ورتالىق كورپۋسى ءبىر اۋىسىمدا 120 ادام قابىلدايتىن كونسۋلتاتيۆتىك-دياگنوستيكالىق ورتالىقتان تۇرادى.
باس مەردىگەرى توو " TSG Construction" كومپانياسى. كومپانيانىڭ باس ينجەنەرى وبلىس اكىمىنە قۇرىلىس قارقىندىلىعى تۋرالى اقپار بەردى. سونىمەن قاتار، جۇمىسشىلار كۇندەلىكتى مەديسينالىق تەكسەرۋدەن وتەتىندىگىن ايتتى.
ايماق باسشىسى ءبىرىنشى ورىنباسارى نۇرجاۋعان قالاۋوۆ پەن قالا اكىمى اسحات شاحاروۆقا كارانتيندىك جاعدايلارعا قاراماستان قۇرىلىستار قارقىندى ءارى ساپالى جۇرگىزىلۋ كەرەكتىگىن ەسكەرتتى جانە تج كەزىندە بارلىق قاۋىپسىزدىك شارالارىن قاتاڭ ساقتاۋدى تاپسىردى.
پىكىر قالدىرۋ