ق ر پرەزيدەنتى قاسىم-جومارت توقايەۆ ۇلتتىق بانكتى نۇر-سۇلتانعا كوشىرۋ تۋرالى جارلىققا قول قويدى. جارلىقتىڭ تولىق ءماتىنى تومەندە ۇسىنىلعان.

«قازاقستان رەسپۋبليكاسىنىڭ پرەزيدەنتى تۋرالى» 1995 جىلعى 26 جەلتوقسانداعى قازاقستان رەسپۋبليكاسى كونستيتۋسيالىق زاڭىنىڭ 17-1-بابى 2-تارماعىنىڭ 1) تارماقشاسىنا جانە 21-بابى 2-تارماعىنىڭ 1) تارماقشاسىنا سايكەس قاۋلى ەتەمىن:

1. قازاقستان رەسپۋبليكاسىنىڭ ۇلتتىق بانكi:

1) 2020 جىلعى 1 شىلدەگە دەيىن قازاقستان رەسپۋبليكاسى ۇلتتىق بانكىنىڭ ورتالىق اپپاراتىن الماتى قالاسىنان نۇر-سۇلتان قالاسىنا كوشىرۋدى قامتاماسىز ەتسىن؛

2) وسى جارلىقتان تۋىندايتىن وزگە شارالاردى قابىلداسىن.

2. «قازاقستان رەسپۋبليكاسى ۇلتتىق بانكiنiڭ ەرەجەسiن جانە قۇرىلىمىن بەكiتۋ تۋرالى» قازاقستان رەسپۋبليكاسى پرەزيدەنتىنىڭ 2003 جىلعى 31 جەلتوقسانداعى № 1271 جارلىعىنا (قازاقستان رەسپۋبليكاسىنىڭ ءپۇاج-ى، 2004 ج.، № 50، 640-قۇجات) مىناداي وزگەرىس ەنگىزىلسىن: جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ ۇلتتىق بانكى تۋرالى ەرەجەدە: 9-تارماق مىناداي رەداكسيادا جازىلسىن: «9. قازاقستان ۇلتتىق بانكى ورتالىق اپپاراتىنىڭ ورنالاسقان جەرى: قازاقستان رەسپۋبليكاسى، Z05T8F6، نۇر-سۇلتان قالاسى، «ەسىل» اۋدانى، ماڭگىلىك ەل داڭعىلى، 57ا عيماراتى.».

3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

4. وسى جارلىقتىڭ 2020 جىلعى 1 شىلدەدەن باستاپ قولدانىسقا ەنگىزىلەتىن 2- تارماعىن قوسپاعاندا، وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق. توقايەۆ