اقش-تىڭ قازاقستانداعى ەلشىسى ۋيليام موزەر forbes.kz باسىلىمىنا بەرگەن سۇحباتىندا قازاق ءتىلىنىڭ قولدانىس اياسىنىڭ كەڭەيگەنىن بايقاعانىن ايتتى.
– بۇگىنگى قازاقستاننىڭ 1990 جىلى مەن كورگەن ەلدەن ايىرماشىلىعى وتە ۇلكەن. قازاق ءتىلى قولدانىسىنىڭ كەڭەيىپ، تانىمالدىعىنىڭ ارتا تۇسكەنىنە كۋامىن. بۇل اسىرەسە جاستار اراسىندا ەرەكشە بايقالادى، – دەگەن ول 20 جىلدان استام ۋاقىت بۇرىن الماتىدا قىزمەت ەتكەندە كوشەدە قازاقشا سويلەيتىندەردى سيرەك كورگەنىن ايتتى.
ونىڭ سوزىنشە، ءقازىر قازاق ءتىلى كۇندەلىكتى قارىم-قاتىناس تىلىنە اينالىپ بارا جاتىر.
– مەن ورىس ءتىلىن الماتىلىق تاكسيستەردەن ۇيرەندىم دەپ ازىلدەيتىنىم بار. قازاق ءتىلىن ۇيرەنۋ ءۇشىن دە بار كۇشىمدى جۇمسايمىن. وعان ماعان ەلشىلىكتەگى ءمۇعالىمىم كومەكتەسەدى، – دەدى ۋيليام موزەر.
پىكىر قالدىرۋ