بۇگىن الماتى قالاسىنىڭ وڭىرلىك كوممۋنيكاسيا قىزمەتى الاڭىندا وتكەن بريفينگتە ق ر دەنساۋلىق ساقتاۋ ۆيسە-مينيسترى قامالجان نادىروۆ مەگاپوليستەگى زەرتحانالار جۇمىسىنىڭ ناتيجەلىگىن اتاپ ءوتتى.

ەلدەگى توتەنشە جاعدايعا بايلانىستى دەنساۋلىق ساقتاۋ ءمينيسترى ە. ءبىرتانوۆتىڭ تاپسىرماسى بويىنشا بۇكىل ەل اۋماعىندا مونيتورينگتىك توپتار جۇمىس ىستەيدى. مونيتورينگتىڭ ماقساتى – مەملەكەتتىك باس سانيتارلىق دارىگەرىنىڭ تاپسىرمالارىنىڭ مەديسينالىق ۇيىمداردا ورىندالۋىن باعالاۋ جانە باقىلاۋ.

اتاپ ايتقاندا، COVID-19-عا قارسى كۇرەس بويىنشا الدىن الۋ شارالارىن ساقتاۋدا قالا ىشىندەگى ناۋقاستار لەگىن ءبولۋ الگوريتمى؛ مەديسينالىق ۇيىم ىشىندە ناۋقاستار لەگىن ءبولۋ الگوريتمى؛ جەكە قورعانۋ قۇرالدارىن پايدالانۋ جانە ونى جويۋ ەرەجەسى، سونداي-اق ماڭىزدى شارالاردىڭ مىندەتتى تۇردە ورىندالۋىن ساقتاۋ.

– بۇگىنگى تاڭدا ەل اۋماعىندا 5-6 مىڭعا جۋىق تەست جۇرگىزىلەدى. وسى ورايدا الماتى قالاسىنداعى زەرتحانالىق قىزمەتتىڭ جۇمىسىن ەرەكشە اتاپ وتكىم كەلەدى. قازىرگى تاڭدا ولاردىڭ قىزمەتىن ۇلگى تۇتارلىق دەسەك بولادى. الماتىدا مىڭعا جۋىق تەستتەر جۇرگىزىلەدى. بۇل – زەرتحانانىڭ جۇمىسىنا جانە وسى شاراعا قاتىساتىن مەديسينا قىزمەتكەرلەرىنە اۋىر جۇكتەمە، – دەدى ق. نادىروۆ.