بۇگىن الماتى قالاسىنىڭ وڭىرلىك كوممۋنيكاسيالار قىزمەتى الاڭىندا وتكەن بريفينگتە دەنساۋلىق ساقتاۋ ۆيسە-مينيسترى قامالجان نادىروۆ الماتىداعى كوروناۆيرۋستىق ينفەكسيانى جۇقتىرۋدىڭ جاڭا جاعدايلارىنا تۇسىنىكتەمە بەردى.
ادامداردىڭ كوپ جينالاتىن جەرلەرىن جانە حالىقپەن تىعىز بايلانىستا بولاتىن ادامداردى بەلسەندى تۇردە تەكسەرۋ كوروناۆيرۋستىڭ جاڭا كوزدەرىنىڭ كوبەيۋىنە اكەپ سوقتى.
«ءبىزدىڭ مىندەتىمىز – قانداي دا ءبىر ستاتيستيكانى شەكتەۋگە تىرىسۋ ەمەس، وشاقتى بارىنشا انىقتاۋ. مىنە، سول ءۇشىن بۇگىنگى كۇنى ءوڭىر بەلسەندى جۇمىس ىستەگەن سايىن ستاتيستيكا وسە تۇسەتىنى قيسىندى. سوندىقتان بۇل قالىپتى جاعداي»، — دەپ ءتۇسىندىردى ق. نادىروۆ.
بۇگىنگى كۇنى الماتى قالاسىندا اسكەري وقۋ ورىندارى، ەمحانالاردىڭ، ستاسيونارلىق مەديسينالىق مەكەمەلەردىڭ بارلىق قىزمەتكەرلەرى تەكسەرىلدى. جەدەل جاردەم جانە قابىلداۋ ءبولىمىنىڭ قىزمەتكەرلەرى، بالالار ۇيلەرىنىڭ تاربيەلەنۋشىلەرى مەن قىزمەتكەرلەرى، بانك جانە پوشتا قىزمەتكەرلەرى، پوليسيا مەن قورعانىس مينيسترلىگىنىڭ قىزمەتكەرلەرى، كوپقاباتتى ۇيلەردىڭ اۋلالارىنا شاقىرۋعا كەلەتىن كوشەلەردى پاترۋلدەۋشى، قانداي دا ءبىر دارەجەدە حالىقپەن بايلانىسۋعا ءماجبۇر بولعانداردىڭ بارلىعى تەكسەرۋدەن وتەدى.
– ستراتەگيالىق تۇرعىدان ءبىز تاۋەكەل توبىندا جۇمىس ىستەيتىنىمىزدى انىقتادىق. بىرىنشىدەن، بۇل مەديسينالىق ۇيىمداردىڭ قىزمەتكەرلەرى. ولار تەستىلەۋدەن تولىعىمەن وتەدى. ول ءۇشىن بارلىق قاجەتتى قۇرالدار – تەستتەر، شىعىس ماتەريالدارى بار. وسى باعىتتا جۇمىس جوسپارى جاسالدى، – دەگەن سپيكەر.
– ستاتيستيكا كورسەتكىشىنىڭ ءوسۋى جاعىمسىز بولاتىنى انىق. وكىنىشتىسى، ءبىز ارىپتەستەرىمىز نەمەسە ناۋقاستار اراسىندا جاڭا ينفەكسيانى انىقتاۋىمىز مۇمكىن. بۇل شارالار ادامدار كوپ جينالاتىن وشاقتاردا سيمپتومسىز ناۋقاستاردى انىقتاۋعا جانە كارانتين مەرزىمىن بارىنشا ازايتۋعا مۇمكىندىك بەرەدى، – دەپ قورىتىندىلادى ءسوزىن سپيكەر.
پىكىر قالدىرۋ