الماتىدا كوروناۆيرۋستىق ينفەكسيانى جۇقتىرۋ​دىڭ جاڭا 23 جاعدايى تىركەلدى. ولاردىڭ ىشىندە بالالار قالالىق كلينيكالىق جۇقپالى اۋرۋلار اۋرۋحاناسىنىڭ 1 مەديسينا قىزمەتكەرى، قالعان 22 ادام ىندەت جۇقتىرعان اداممەن بايلانىستا بولعاندار.

سوندا، جالپى قالا بويىنشا COVID-19 ينفەكسياسىنا شالدىققان 393 ناۋقاس تىركەلدى، ونىڭ ىشىندە 6 بالا جانە​ 4 جۇكتى ايەل.

قوعامدىق دەنساۋلىق ساقتاۋ باسقارماسىنىڭ مالىمەتىنە سايكەس، كەشە كوروناۆيرۋستىق ينفەكسيا جۇقتىرعان تاعى ءبىر پاسيەنت كوز جۇمدى.

– 1960 جىلى تۋىلعان پاسيەنت 8 ساۋىردەن باستاپ جۇرەك-وكپە جەتكىلىكسىزدىگى، كاحەكسياسىنا (اعزانىڭ توزۋى) بايلانىستى اۋىر حالدە ورتالىق قالالىق كلينيكالىق اۋرۋحاناسىنىڭ پروۆيزورلىق بولىمشەسىندە ەمدەۋدە بولدى. الىنعان تالداۋلارى وڭ ناتيجە كورسەتتى، – دەپ حابارلادى باسقارما.

سونىمەن قاتار، كەشە Covid-19-دان تاعى ءۇش پاسيەنت ساۋىعىپ شىقتى. ولاردىڭ بارلىعى بۇعان دەيىن ۆيرۋستى جۇقتىرعان ادامدارمەن بايلانىستا بولعاندار، ولاردىڭ ىشىندە 2009 جىلعى بالا بار.

بۇگىنگى كۇنى ەمدەۋدەن شىعارىلعان ادامداردىڭ سانى 61 ادامدى قۇرايدى.

قازىرگى ۋاقىتتا ينفەكسيالىق ستاسيونارلاردا الماتى وبلىسىنان ءبىر ايەل ادامدى ەسەپكە العاندا Covid-19-دان 330 پاسيەنت ەمدەلۋدە.

پروۆيزورلىق گوسپيتالداردا​ 368 ادام، ونىڭ ىشىندە​ 7ء-ۋى​ بالا، كارانتيندىك وقشاۋلاۋدا​ —​ 426، ءۇي كارانتينىندە​ — 7288 ادام.