اقتاۋداعى ازىق-تۇلىك ساتاتىن ءىرى ساۋدا ورىندارىنىڭ جۇمىس رەجيمى وزگەردى. بۇل تۋرالى ماڭعىستاۋ وبلىسىنىڭ قوعامدىق كوممۋنيكاسيا ورتالىعىندا وتكەن بريفينگتە وبلىستىق ىشكى ساياسات باسقارماسىنىڭ باسشىسى ەرجان كۇمىسقالييەۆ مالىمدەدى.

ق ر مەملەكەتتىك باس سانيتارىنىڭ 2020 جىلدىڭ 14 ءساۋىر كۇنگى №33 پگۆر قاۋلىسىنا سايكەس، وبلىستىق شتابتىڭ شەشىمىمەن جانە ساۋدا ورىندارى باسشىلىعىنىڭ كەلىسىمىمەن اقتاۋ قالاسىنىڭ ەپيدەميولوگيالىق جاعدايىن تۇراقتى ۇستاۋ ماقساتىندا كەلەسىدەي ءىرى ساۋدا ورىندارىنىڭ جۇمىس رەجيمىنە وزگەرىستەر ەنگىزىلەدى:

اقتاۋ قالاسىنداعى ازىق-تۇلىك ساتاتىن ءىرى ساۋدا ورىندارى، اتاپ ايتقاندا:

- «دينا» گيپەرماركەتى (33 ش/ا)، 17.04.2020 باستاپ، 9:00 – 17:00 ارالىعىندا قىزمەت ەتەدى؛

- «انۆار» گيپەرماركەتى (شىعىس-2 ش/ا) 17.04.2020 باستاپ، كۇندەلىكتى ساعات 9:00 – 17:00 ارالىعىندا قىزمەت ەتەدى؛

- «اسار-س» بازارىنىڭ جۇمىس ۋاقىتى 18.04.2020 جىلدان باستاپ، ساعات 6:00 – 11:00 ارالىعىندا بەلگىلەنەدى؛

- «ماعاش» بازارىنىڭ («سارى» بازار) جۇمىسى 20.04.2020 جىلدان باستاپ، ۋاقىتشا توقتاتىلادى.

ال قالعان ازىق-تۇلىك دۇكەندەرى بۇرىنعى رەجيمدە جۇمىستارىن جالعاستىرادى.

اقتاۋ قالاسىنداعى ءىرى جانە ورتا كاسىپورىندار مەن مەكەمەلەردىڭ قىزمەتتىك اۆتوكولىكتەرىنىڭ سانى 50%-عا دەيىن قىسقارتىلادى.

رۇقسات بەرىلگەن تاكسي قىزمەتىندە جۇمىس جاسايتىن اۆتوكولىكتەرىنىڭ سانى 50%-عا قىسقارتىلادى.