اقتاۋ قالاسىنداعى نازاربايەۆ زياتكەرلىك مەكتەبىنىڭ 6 وقۋشىسى نازاربايەۆ ۋنيۆەرسيتەتىنىڭ Direct بولىمىنە ءتۇستى. زياتكەرلىك مەكتەپتىڭ 12-سىنىپ وقۋشىلارى  ايگەرىم شورايەۆا، دايانا بۋلاتبەكوۆا، ايجۇلدىز ناديرحانوۆا، امىربەك ساعىزبايەۆ، عالاممادين اسقار، ىڭكار وڭاش «Computer Science»، «School of Engineering»، «Digital Sciences» ماماندىقتارىن تاڭداعان.

ءبىلىم گرانتىن العان وقۋشىلارىمىز وقۋدا وزات جانە ۋنيۆەرسيتەت تالاپ ەتكەن بارلىق ەمتيحانداردى (IELTS،SAT، NUFYPET) ءساتتى تاپسىرىپ، جوعارى ناتيجە كورسەتتى.

نازاربايەۆ ۋنيۆەرسيتەتىنە تۇسكەن 6 وقۋشىنىڭ بىرەۋى عانا ۋنيۆەرسيتەتتە ءبىلىم الاتىنىن ناقتىلادى. ءبىر تۇلەگىمىز وڭتۇستىك كورەياداعى وقۋ ورنىنا تۇسۋىنە بايلانىستى باس تارتتى. قالعان وقۋشىلارىمىز ويلانۋ ۇستىندە. ويتكەنى ولار باسقا دا ۋنيۆەرسيتەتتەرگە قۇجات تاپسىرعان ەدى. سولاردىڭ جاۋابىن كۇتىپ ءجۇر، - دەيدى كاسىبي باعدار بەرۋ بويىنشا كەڭەسشى اسەل يسماحانبەتوۆا.

اقتاۋداعى نازاربايەۆ زياتكەرلىك مەكتەبىمەن بيىل 162 تۇلەك قوشتاسادى. بۇل مەكتەپتىڭ بەس جىلدىق تاريحىنداعى سانى ەڭ كوپ تۇلەك. سوندىقتان، ءقازىردىڭ وزىندە 12-سىنىپ وقۋشىلارى ءوز مۇمكىندىكتەرىن سىناپ، ءبىلىم گرانتتارى ءۇشىن باسەكەگە ءتۇسىپ جاتىر. جالپى نازاربايەۆ ۋنيۆەرسيتەتىنە ءبىلىم ورداسىنان 70-تەن اسا تۇلەك وقۋعا ءوتىنىم تاپسىرعان.

اتالعان ۋنيۆەرسيتەتكە تۇسەتىن بالالاردىڭ سانى ءالى دە ارتادى دەپ وتىرمىز. ويتكەنى جوعارى وقۋ ورنى ەرتە ءتۇسىمدى عانا قاراستىرىپ، گرانت بەرۋ تۋرالى شەشىم قابىلدادى. ءالى وتىنىمدەر قارالۋ ۇستىندە دەيدى، - اسەل باحيت قىزى.