ەلدەگى سوڭعى وقيعالار اياسىندا حالىقتىڭ ازىق-تۇلىك قاۋىپسىزدىگىن قامتاماسىز ەتۋ وتە ماڭىزدى. بۇل جاعدايدا كوپتەگەن كاسىپكەرلەر مەن بيزنەسمەندەر كومەككە كەلدى. الايدا، كەيبىر كاسىپكەرلەر كەيدە ءونىم باعاسىن كوتەردى. وسىلايشا، الماتى قالاسىنىڭ سىبايلاس جەمقورلىققا قارسى قىزمەتى ارنايى مونيتورينگتىك توبى جانە الماتى قالاسىنىڭ اكىمدىگىمەن بىرلەسە وتىرىپ، الەۋمەتتىك ماڭىزدى ونىمدەر باعاسىنىڭ قىمباتتاۋىنا مونيتورينگ جۇرگىزۋدە.
– توتەنشە جاعداي كەزىندەگى قىزمەتتىڭ نەگىزگى ەكپىنى جاسىل ءدالىزدىڭ ۇزدىكسىز جۇمىس ىستەۋىنە، ازىق-تۇلىك تاۋارلارىنىڭ باعاسىن ۇستاپ تۇرۋعا، بيزنەستى قولداۋ شارالارىن ازىرلەۋگە قويىلعان. مۇنىڭ ءبارى كەزەڭ-كەزەڭمەن جۇزەگە اسىرىلادى. ءبىز تۇراقتى تۇردە رەيدتەر وتكىزىپ، باقىلايمىز، – دەپ الماتى قالاسى سىبايلاس جەمقورلىققا قارسى قىزمەت باسشىسىنىڭ ءبىرىنشى ورىنباسارى دانيار تاۋمۇرات ءوز سۇحباتىندا ايتتى.
– قالا تۇرعىندارىن ازىق-تۇلىك تاۋارلارىنىڭ نەگىزگى تۇرلەرىن تۇتىنۋ كولەمىن ەسكەرە وتىرىپ، تۇراقتاندىرۋ قورىن تولىقتىرۋ ءۇشىن جەرگىلىكتى بيۋدجەتتەن 7 ملرد تەڭگە ءبولىندى، قالانى ءۇش اي ىشىندە تۇراقتى باعامەن 17 تاۋار ءتۇرى بويىنشا ۇزدىكسىز قامتاماسىز ەتۋ بويىنشا وتاندىق تاۋار وندىرۋشىلەرمەن كەلىسىمگە قول قويىلدى، – دەپ حابارلاندى قالا اكىمدىگىنەن.
الماتى قالاسىنىڭ اكىمدىگى مەن الماتى قالاسىنىڭ سىبايلاس جەمقورلىققا قارسى قىزمەتى كاسىپكەرلەردى حالىققا كومەك كورسەتۋگە جانە ءبىرىنشى كەزەكتە قاجەتتى تاۋارلاردىڭ باعاسىن كوتەرمەۋگە شاقىرادى.
پىكىر قالدىرۋ