ونىڭ ىشىندە 26 ناۋقاس پنيەۆمونيا جانە جرۆي بەلگىلەرىمەن سىرقاتتانعان جاندارمەن بايلانىستا بولعان. تاعى 13 ادام كارانتيندە بولعان جانە مەديسينالىق جەدەل جاردەم قىزمەتىنىڭ 4 مەديسينا قىزمەتكەرى بار.

كەشە الماتىدا Cوvid-19-دان 13 ناۋقاس جازىلىپ شىققان بولاتىن. ولاردىڭ ىشىندە 2007 جىلى تۋعان ءبىر بالا بار.

– ەمدەلىپ شىققان ون ادام شەتەلدەن كەلگەندەر. ونىڭ التاۋى ىستامبۇلدان، ەكەۋى دۋبايدان، بىرەۋى مينسكىدەن جانە بىرەۋى يتاليادان ۇشىپ كەلگەن. ەندىگى بىرەۋى بالالار قالالىق جۇقپالى اۋرۋلار اۋرۋحاناسىنىڭ قىزمەتكەرى بولسا، بىرەۋى جەرگىلىكتى ۆيرۋس جۇقتىرعان ناۋقاسپەن بايلانىستا بولعان. سونداي-اق 2007 جىلى تۋىلعان قىز دا بار، – دەدى قالالىق قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ.

ولاردىڭ بارلىعى 14 كۇندىك ءۇي كارانتينىنە جاتقىزىلدى. قازىرگى ۋاقىتتا قالا بويىنشا ەمدەلىپ، اۋرۋحانادان شىعارىلعاندار سانى 80-گە جەتتى.

قازىرگى ۋاقىتتا ينفەكسيالىق ستاسيونارلاردا الماتى وبلىسىنىڭ ءبىر ايەل ادامىن قوسقاندا Covid-19-دان 422 ناۋقاس ەم-دوم قابىلداۋدا.

ەكى ناۋقاستىڭ جاعدايى وتە اۋىر، 5-ەۋىندە – اۋىر، 106 ادامدا – اۋىرلىقتىڭ ورتاشا دارەجەسىندە، قالعاندارىنىڭ دەنساۋلىعى قاناعاتتانارلىق.

پروۆيزورلىق گوسپيتالداردا​ 298 ادام جاتىر، ونىڭ 18ء-ى​ بالا. كارانتيندىك وقشاۋلاۋدا​ – 418، ءۇي كارانتينىندە​ –​ 7992 ادام بار.