107 جاستاعى تۇركيا تۇرعىنى حاۆاحان كارادەنيز كوروناۆيرۋستان جازىلىپ شىقتى. ول كوروناۆيرۋستان ايىعىپ شىققان الەمدەگى ەڭ قارت ايەلدەردىڭ ءبىرى بولدى.
انادولى باسىلىمىنىڭ دەرەگى بويىنشا، حاۆاحان كارادەنيزدىڭ يمۋندىق جۇيەسى كۇشتى بولعاندىقتان كوروناۆيرۋستان ءبىر اپتانىڭ ىشىندە جازىلعان.
قارت ايەل 7 ساۋىردە ستامبۋل عىلىمي كلينيكاسىنا قاتتى جوتەل مەن جوعارى قىزۋمەن تۇسكەن. كەيىن ونىڭ كوروناۆيرۋس جۇقتىرعانى بەلگىلى بولعان. ءبىر اپتادان سوڭ ول 14 كۇندىك ءۇي كارانتينىنە جاتقىزىلدى.
اۋرۋحانا قىزمەتكەرلەرى قارت ايەلدىڭ كوروناۆيرۋستان جازىلىپ شىقانىنا تاڭعالعاندارىن جاسىرمادى. دارىگەرلەردىڭ سوزىنشە، كارادەنيزدىڭ يممۋنيتەتى وتە مىقتى.
كارادەنيز مالاتيا پروۆينسياسىنىڭ پوتيۋرگە اۋدانىندا دۇنيەگە كەلگەن. 8 جاسىندا وتباسىمەن بىرگە ىستامبۇلعا كوشكەن. كۇيەۋى 1982 جىلى قايتىس بولعان.
كارادەنيزدە ءتورت بالا، 11 نەمەرە جانە 15 شوبەرە بار. جاقىندا نەمەرەلەرىنىڭ ءبىرى اتا بولادى.
ەگدە جاسىنا قاراماستان كارادەنيز كۇندە تاڭەرتەڭ ەرتە تۇرىپ ناماز وقيدى. مالاتيا پروۆينسياسىنىڭ كەز كەلگەن تۇرعىنى سەكىلدى ول ورىكتەردى جاقسى كورەدى.
پىكىر قالدىرۋ