ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ "42 500 تەڭگە العاندار قىلمىستىق جازاعا تارتىلمايدى" مالىمدەدى دەپ ورتالىق كوممۋنيكاسيالار قىزمەتىندەگى بريفينگىدە.

– بۇگىنگى تاڭدا توتەنشە جاعدايلاردىڭ سالدارىنا بايلانىستى تابىسىنان ايىرىلعان 3 ملن 960 مىڭ ادامعا الەۋمەتتىك تولەم تاعايىندالدى. ولارعا 157 ملرد تەڭگە تولەندى. وكىنىشكە قاراي سوڭعى 4-5 كۇن بويى الەۋمەتتىك جەلىلەردە، قوعامدا "42 500 تەڭگە العانى ءۇشىن قىلمىستىق تۇرعىدا جازالايدى ەكەن" دەگەن اڭگىمە كوپ تارالۋدا. ءبىز ءبارىن قاراپ شىقتىق، – دەدى مينيستر.

ول قازاقستاندا بىردە-بىر ادام 42 500 تەڭگە العانى ءۇشىن، ءتىپتى جىبەرگەن قاتەلىگى ءۇشىن قىلمىستىق جازاعا تارتىلمايدى دەپ اتاپ ءوتتى.

– بىردە-بىر ادام 42 500 تەڭگە العانى ءۇشىن، ءتىپتى جىبەرگەن قاتەلىگى ءۇشىن قىلمىستىق جازاعا تارتىلمايدى. وعان نەگىز جوق. وسىعان نۇكتە قويايىق. ەشكىم جاۋاپكەرشىلىككە تارتىلمايدى. ونى انا تالقىلاپ جاتقان زاڭگەرلەر دە بىلەدى. ءبىز ەشكىمدى تەكسەرمەيمىز. سەبەبى بۇل –  الەۋمەتتىك تولەم. بۇل –  الەۋمەتكە باعىتتالعان تولەم،– دەدى ءبىرجان نۇرىمبەتوۆ.

ونىڭ ايتۋىنشا جەكە تۇلعالاردى، رەسمي نە بەيرەسمي بولسىن جۇمىس ىستەپ جۇرگەندەردى تەكسەرىپ جاتپايتىنىن باسا ايتتى.

– كوپشىلىگى وسى تولەمدى العىسى كەلەدى. وتكەن بريفينگىدە دە ايتقانمىن، ءبىز ەشكىمدى جاپپاي تەكسەرىپ جاتپايمىز. جەكە تۇلعالاردى، رەسمي نە بەيرەسمي بولسىن جۇمىس ىستەپ جۇرگەندەردى ۇيلەردى ارالاپ، تەكسەرمەيمىز. ەشتەڭەگە ۋايىمداماڭىزدار. ءسىزlەرگە تولەندى مە؟ الىڭىزدار، جاراتىڭىزدار. تەكسەرۋ بولسا دا ءبىزدى تەكسەرەدى، – دەدى مينيستر.