قمدب ءتوراعاسىنىڭ ورىنباسارى، نايب ءمۇفتي ەرشات وڭعاروۆ ورازا ۇستاۋدان كىمدەردىڭ جانە قانداي جاعدايلاردا بوساتىلاتىنىنا قاتىستى پىكىر ءبىلدىردى، دەپ جازادى اlmaty.tv.

– بىرەۋدىڭ ومىرىنە جاۋاپتى قىزمەت يەلەرى – ۇشقىش، دارىگەر، اۋىر جۇمىس ىستەيتىن ادامدار، كەنشى، مەتاللۋرگ، ءقاۋىپتى نىسانداردا قىزمەت ەتەتىن قۇرىلىسشىلار جانە ت.ب. قىزمەت يەلەرىنىڭ ورازا ۇستاۋعا شاماسى جەتپەسە، ونى كەيىنگە قالدىرا الادى. سونىمەن قاتار، ەلدىڭ قارۋلى كۇشتەرى، بەيبىتشىلىك جاعدايدان سوعىس جاعدايىنا كوشكەن كەزدە ورازا تۇتۋ – اسكەردىڭ قىراعىلىعى مەن جاۋىنگەرلىك دايارلىعىن السىرەتۋگە الىپ بارسا، ورازانى توقتاتۋعا رۇقسات ەتىلەدى. ونىڭ ورنىنا باسقا كۇندەرى ورازا ۇستايدى، – دەدى ەرشات اعىباي ۇلى وڭعاروۆ.

ەسكە سالامىز، بيىل رامازان ايى 24 ساۋىردە باستالادى. مامىر ايىنىڭ 19-نان 20-سىنا قاراعان ءتۇن – مىڭ ايدان قايىرلى قاسيەتتى ءقادىر ءتۇنى. ورازا ايت نامازى 24 مامىردا وقىلادى.