نۇر-سۇلتان. 24ء-ساۋىر. ءماجىلىس ءۇيى. ءماجىلىس ءتوراعاسى نۇرلان نىعماتۋلين بارشا قاۋىمدى قاسيەتتى رامازان ايىنىڭ باستالۋىمەن قۇتتىقتادى.
ءوز قۇتتىقتاۋىندا:
«بارشاڭىزدى قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن!
بۇل مۇسىلمان قاۋىمى ءۇشىن رۋحاني تازارىپ، بەرەكە مەن بىرلىك، مەيىرىم مەن ىزگىلىك، قاناعات پەن سابىر سالتانات قۇراتىن قاسيەتتى ۋاقىت. وسى ۋاقىتتا جاساعان قايىرىم، دۇعا-تىلەكتەر قابىل بولىپ، قاسيەتتى اي – ءاربىر ازاماتقا، ءاربىر وتباسىنا اماندىق، باقىت، ىرىس-قۇت اكەلسىن! حالقىمىز قازىرگى ۋاقىتشا قيىندىقتان امان ءوتىپ، ەلىمىز امان، جۇرتىمىز تىنىش بولسىن!»، – دەدى، نۇرلان نىعماتۋلين.
ءماجىلىستىڭ باسپا ءسوز قىزمەتى
پىكىر قالدىرۋ