باتىس باسىلىمدارىندا كيم چەن ىننىڭ وتادان كەيىن ءومىر ءۇشىن كۇرەسىپ جاتقانى تۋرالى اقپارات پايدا بولعاننان بەرى كيم وتباسىنىڭ بيلىكتەن تايدىرىلۋى، يادرولىق سوعىس ءقاۋپى جايىندا بولجامدار ايتىلۋدا. بۇل تۋرالى قامشى ءتىلشىسى انگليالىق Daily Express باسىلىمىنا سىلتەمە جاساپ حابارلايدى.
ساراپشىلار كيم چەن ىننىڭ ءولىمى ايماقتىڭ ساياسي جاعدايىن شايقالتادى، بوسقىنداردىڭ ۇلكەن اعىمىن تۋدىرادى، اقش، وڭتۇستىك كورەيا جانە باسقا دا ايماقتىق وداقتاستاردى شيەلەنىستەرمەن كۇرەسۋگە ءماجبۇر ەتەدى دەپ سانايدى. ءتىپتى، يادرولىق سوعىس ءقاۋپى تۋاتىنىن ايتادى.
وتستاۆكاداعى گەنەرال-لەيتەنانت، وڭتۇستىك كورەيانىڭ ارنايى وپەراسيالىق كۇشتەرىنىڭ بۇرىنعى باسشىسى چۋن ين-بۋم اقش Military Times گازەتىندە «كيم چەن ىننىڭ ءولىمى سالدارىنان حاوس، قايعىلى جاعدايلار، تۇراقسىزدىق جانە بارلىعىنا جاعىمسىز جاڭالىقتار» بولاتىنىن ايتتى.
ول وڭتۇستىك كورەيا مەن اقش وداقتاس بولعاننان كەيىن سولتۇستىك كورەياعا كىرۋ تۋرالى كەز كەلگەن جوسپارلاردىڭ قايعىلى سالدارى بولۋى مۇمكىن ەكەنىن ەسكەرتتى.
– ءبىز نە ىستەيمىز؟ سولتۇستىك كورەياعا كىرەمىز بە؟ قىتايلار كىرسىن... سولتۇستىك كورەيا – ەگەمەن ەل. وعان كىرگەن كەز كەلگەن ادام، ونىڭ ىشىندە قىتايلار كىرسە دە اقىماق بولار ەدى... وڭتۇستىك كورەيا – اقش اليانسىنىڭ قاتەرلى جوسپارى بار. ەگەر، اقش نە وڭتۇستىك كورەيا سولتۇستىك كورەياعا كىرسە، بۇل ءبىزدى يادرولىق سوعىسقا يتەرمەلەيدى، – دەيدى ول.
ال، بۇرىنعى اقش اسكەري قىزمەتكەرى، پولكوۆنيك، قازىرگى دەموكراتيانى قورعاۋ قورىنىڭ اعا عىلىمي قىزمەتكەرى ديەۆيد ماكسۆەلل "ناقتى مۇراگەرلىكتىڭ بولماۋى سولتۇستىك كورەياداعى حاوستى قوزدىرادى" دەيدى.
پىكىر قالدىرۋ