اقش مەملەكەتتىك حاتشىسى مايك پومپەو اق ءۇيدىڭ دۇنيەجۇزىلىك دەنساۋلىق ساقتاۋ ۇيىمىنا (ددسۇ) بالاما ورگان قۇرۋدى قاراستىرۋ مۇمكىندىكىن ايتتى. بۇل تۋرالى قامشى ءتىلشىسى Daily Express باسىلىمىنا سىلتەمە جاساپ حابارلايدى.
اقش مەملەكەتتىك حاتشىسى مايك پومپەو Fox News راديوسىنا بەرگەن سۇحباتى كەزىندە ددسۇ-نى باسقا ۇيىممەن اۋىستىرۋ مۇمكىندىگى تۋرالى سۇراق قويىلعاندا ول: "ءبىز ءدال وسى ماسەلەنى قاراستىرامىز" دەپ جاۋاپ بەردى.
— ەگەر ينستيتۋت دۇرىس جۇمىس ىستەسە، امەريكا قۇراما شتاتتارى ءارقاشان وعان جەتەكشىلىك ەتەدى جانە ونىڭ قاتىسۋشىسى بولادى...ولاي ىستەمەسە، ءىس جۇزىندە قاجەتتى ناتيجەلەرگە قول جەتكىزە الماعان كەزدە، ءبىز الەمدەگى باسقا سەرىكتەستەرمەن قاجەتتى ماقساتتارعا جەتكىزەتىن قۇرىلىم، فورما، باسقارۋ مودەلىن جاساپ جۇمىس ىستەيتىن بولامىز،- دەدى ول.
ايتا كەتەيىك، جاقىندا اقش "دۇنيەجۇزىلىك دەنساۋلىق ساقتاۋ ۇيىمى جۇڭگو بيلىگىن جاقتايدى جانە بەيجىڭنىڭ جالعان اقپاراتتارىن قولدايدى" دەپ ايىپتاپ، ۇيىمدى قارجىلاندىرۋدى توقتاتقان بولاتىن.
پىكىر قالدىرۋ