56 جاستاعى اقتوبەلىك ازاماتشا كارانتين كەزىندە جەلىدە جالعان اقپارات تاراتقانى ءۇشىن اكىمشىلىك جاۋاپكەرشىلىككە تارتىلدى. بۇل تۋرالى Polisia.kz حابارلادى.
پوليسەيلەر الەۋمەتتىك جەلىلەرگە مونيتورينگ جۇرگىزۋ بارىسىندا قوعامدىق كولىك تاسىمالداۋشى كومپانياسى قىزمەتكەرىنىڭ Whatsاpp مەسسەندجەرىندە جالعان اقپارات تاراتقانىن انىقتاعان.
"اۋديو جازبادا 56 جاستاعى ايەل رەسەي فەدەراسياسىنىڭ شەكاراسىنان اقتوبەگە قوعامدىق كولىك اۆتوبۋستارىمەن 500 ادامدى اكەلگەنى تۋرالى، ال بۇگىن جاڭا توپ ستۋدەنتتەرىن كۇتىپ جاتقانىن جانە كوروناۆيرۋس ىندەتىمەن اۋىراتىنداردىڭ سانى ستاتيستيكا بويىنشا الدەقايدا كوپ جانە اۋرۋحانادا ناۋقاستار تولىق دەپ اقپارات تاراتقان. الايدا، بۇل اقپارات شىندىققا سايكەس كەلمەيدى" دەلىنگەن دەپارتامەنت تاراتقان حابارلامادا.
24 ءساۋىر كۇنى ازاماتشاعا قازاقستان رەسپۋبليكاسىنىڭ اكiمشiلiك قۇقىق بۇزۋشىلىق تۋرالى كودەكستىڭ 478-بابى بويىنشا اكىمشىلىك حاتتاما تولتىرىلدى. وسىلايشا قالانىڭ مامانداندىرىلعان اكىمشىلىك سوتى وعان 40 اەك كولەمىندە ايىپپۇل تولەۋدى تالاپ ەتتى.
اقتوبە وبلىسىنىڭ پوليسيا دەپارتامەنتى ازاماتتاردان جالعان اقپارات تاراتپاۋدى جانە تەك رەسمي دەرەك كوزدەرىنە سەنۋدى سۇرايدى.
پىكىر قالدىرۋ