تاتار زيالىلارى رەسەي بيلىگى تۇسىرگەن "زىليقا كوزىن اشتى" سەريالىنا قارسى قول جيناۋدا. بۇل تۋرالا تاتارستاننىڭ پرەمەر-مينيسترىنىڭ ورىنباسارى رافيس كاشاپوۆ حابارلادى. 

ول "زىليقا كوزىن اشتى" سەريالى تاتار حالقىنىڭ تاريحىن قورلاعانىن ايتتى، - دەپ جازادى yenicag.ru سايتى. 

"بۇل سەريال تاتار حالقىنىڭ ءداستۇرىن جوققا شىعارىپ، ءبىزدىڭ اتا-بابامىزدى جابايى ەتىپ كورسەتكەن.  ءپۋتيننىڭ  «روسسيا 1» تەلەارناسى گۋزەل ياحينانىڭ «رومان زۋلەيحا» اتتى سەريالىن كورسەتە باستادى. بۇل - ارانداتۋشىلىق فيلم، ءبىزدىڭ ويىمىزشا، تاتارلار مەن ورىستاردىڭ اراسىنداعى ەتنيكاارالىق جانە ءدىني قاقتىعىستى قوزدىرۋعا باعىتتالعان. مۇندا مۇسىلمان تاتارلارىنىڭ قوعامدىق-ساياسي بەلسەندىلىگىن تومەندەتۋ ءۇشىن كرەملدىڭ ارنايى قىزمەتتەرى جاساعان ادىستەر ايقىن كورىنەدى. فيلمدە تاتار حالقى مەن مۇسىلمان دىنىنە قارسى ارانداتۋ - مەشىتتەگى جىنىستىق قاتىناس، مۇسىلمان زيراتىنداعى تابىتتار، تاتار وتباسىنىڭ جابايى جانە اقىماق ادامدار بەينەسى انىق كورسەتىلگەن" - دەيدى كوشاپوۆ. 

ءفيلمنىڭ رەجيسسەرى — ەگور اناشكين. ال باستى رولدەگىلەر — چۋلپان حاماتوۆا، ەۆگەنيي موروزوۆ، يۋليا پەرەسيلد، رومان ماديانوۆ، سەرگەي ماكوۆەسكيي، الەكساندر باشيروۆ، روزا حايرۋللينا. 

كوشاپوۆ بۇل ادامداردىڭ كوپشىلىك الدىندا تاتار حالقىنان كەشىرىم سۇراۋىن تالاپ ەتتى.