وڭتۇستىك كورەيا پرەزيدەنتى مۋن چجە ءيننىڭ سىرتقى ساياسات جونىندەگى كەڭەسشىسى چۋن-ين مۋن كورەي حالىق-دەموكراتيالىق رەسپۋبليكاسىنىڭ باسشىسى كيم چەن ىننىڭ «ءتىرى جانە ساۋ» ەكەنىن ايتتى. بۇل تۋرالى قامشى ءتىلشىسى The Sun گازەتىنە سىلتەمە جاساپ حابارلايدى.
وڭتۇستىك كورەيا شەنەۋنىگى Fox News-كە بەرگەن سۇحباتىندا كيم چەن ىننىڭ ۆونسان كۋروتىندا ەكەنىن ءمالىم ەتتى.
ونىڭ سوزىنشە، سولتۇستىك كورەيا باسشىسى تەڭىز جاعالاۋىنداعى دەمالىس ۇيىندە. ول كيمنىڭ ولگەنى تۋرالى حابارلاردى جوققا شىعاردى.
– ءبىزدىڭ ۇكىمەت كيم چەن ىننىڭ ءتىرى جانە امان-ساۋ ەكەنىن سەنىممەن ايتا الادى، – دەدى چۋن-ين مۋن Fox News راديوسىنا.
– ول 13 ساۋىردەن بەرى ۆونسان ايماعىندا. وسى ۋاقىتقا دەيىن كۇدىكتى جاعدايلار انىقتالعان جوق، – دەدى پرەزيدەنت كەڭەسشىسى.
پىكىر قالدىرۋ