سولتۇستىك كورەيا قارۋلى شابۋىلدارعا دايىندالاتىن نەگىزگى كۇشتەرىنىڭ جاتتىعۋلارىن ارتتىرا ءتۇستى، – دەپ جاريالادى وڭتۇستىك كورەيانىڭ قورعانىس ءمينيسترى. بۇل تۋرالى قامشى ءتىلشىسى The New York Times Post باسىلىمىنا سىلتەمە جاساپ حابارلايدى.

كيم چەن ىن ەلى جاقىندا وسىنداي بەلسەندىلىكتى، سونىڭ ىشىندە اۋە كۇشتەرىنىڭ ۇشۋ جاتتىعۋلارىن كۇشەيتە تۇسكەن.

– سولتۇستىك كورەيا كوبىنەسە ارتيللەريالىق جانە اۋە كۇشتەرى ۇشاقتارىنىڭ جاۋىنگەرلىك دايارلىعى ءۇشىن ينسپەكسيالىق ىس-ارەكەتتەردى كۇشەيتە ءتۇستى، – دەدى وڭتۇستىك كورەيا اسكەري وكىلى.

The New York Times Post-تىڭ جازۋىنشا، سولتۇستىك كورەيا بەيبىت كەلىسسوز جۇرگىزۋلەردەن باس تارتىپ، كەرىسىنشە، قارۋ-جاراقتارىن سىناۋدى كۇشەيتىپ جاتقان كورىنەدى.

وتكەن اپتادا اسكەري كۇشتەر شىعىس جاعالاۋدا كەمەدەن-كەمەگە باعىتتالعان كرۋيزدىك زىمىرانداردى اتقان.

سول كۇنى سوعىس ۇشاقتارى مەن ميگ ءتيپتى ۇشاقتار ۆونسان قالاسىنىڭ اۋە كەڭىستىگىندە ۇشىرىلعان.

شىعىس تەڭىزگە بىرنەشە زىمىران اتىلعان.

سولتۇستىك كورەيا باسشىسىنىڭ توسىننان جوعالىپ كەتۋىنە تۇسپا-تۇس كەلگەن پحەنياننىڭ بۇل ارەكەتى سەۋلدى الاڭداتىپ جاتقان كورىنەدى.

ايتا كەتەيىك، بۇعان دەيىن كيم چەن ىن جۇرەك وتاسىنان كوز جۇمعانى جايىندا اقپارات پايدا بولدى. كوپ ۇزاماي، ونىڭ وتباسىلىق پويىزىنىڭ سپۋتنيكتىك سۋرەتى جاريالاندى. كەشە جۇڭگو مەديسينالىق توبىنىڭ سولتۇستىك كورەيا استاناسى پحەنيانعا جىبەرىلگەنىن حابارلاعان بولاتىنبىز. سونىمەن بىرگە، كيم چەن ىننىڭ ومىرىنە ۇلكەن ءقاۋىپ ءتونىپ تۇرعانىن، ونىڭ ورنىنا قارىنداسىنىڭ كەلۋى مۇمكىن ەكەنىن جانە سولتۇستىك كورەيا باسشىسىنىڭ ءولىمى يادرولىق سوعىس ءقاۋپىن تۋدىراتىنىن حابارلاعانبىز.