سولتۇستىك كورەيانىڭ بيلەۋشىسى كيم چەن ىنعا تيەسىلى ارنايى پويىز كۋرورتتىق قالاشىقتا بايقالعان. سپۋتنيكتىك سۋرەتتەردى ۆاشينگتونداعى سولتۇستىك كورەيانىڭ باقىلاۋ جوباسى تۇسىرگەن. بۇل تۋرالى قامشى ءتىلشىسى The Guardian جانە Daily Mirror اقپاراتتارىنا سىلتەمە جاساپ حابارلايدى.
مونيتورينگ جوباسىنىڭ سەنبىدە جاساعان حابارلاماسىنا سايكەس، پويىز 21 ءساۋىر مەن 23 ساۋىردە ۆونسانداعى «كوشباسشىلىق ستانسيادا» تۇراقتاعان. ستانسيا كيم وتباسىنىڭ پايدالانۋىنا ارنالعان.
وسىعان بايلانىستى، كەيبىر شەتەلدىك ب ا ق سولتۇستىك كورەيا باسشىسىنىڭ كوپشىلىك الدىندا پايدا بولۋى مۇمكىن ەكەنىن جازدى. ال، كەيبىر باسىلىم وتباسىلىق پويىزدىڭ سۋرەتى كيم چەن ىننىڭ دەنساۋلىعىنىڭ جاعدايى مەن قايدا ەكەنىن انىقتاي المايتىنىن ايتادى.
پىكىر قالدىرۋ