"جۇڭگو كوروناۆيرۋستىڭ ورشۋىنە جول بەردى نەمەسە ادەيى تاراتتى" دەگەن اقپاراتتارعا بريۋسسەل توسقاۋىل قويماسا، ونىڭ سالدارى اۋىر بولاتىنىن ەسكەرتكەن بەيجىڭنىڭ ارەكەتىن باتىس ءباسپاسوزى جارىسا جازدى. بۇل جايىندا قامشى ءتىلشىسى The New York Times Post-قا سىلتەمە جاساپ حابارلايدى. 

بەيجىڭنىڭ جوعارى لاۋازىمدى شەنەۋنىگى ەۋروپالىق ارىپتەستەرىنە بايلانىسقا شىعىپ، "قىتايدىڭ كوروناۆيرۋستىڭ ورشۋىنە جول بەرگەنى" تۋرالى نەمەسە «جاھاندىق جالعان اقپارات پروپاگانداسىن تاراتتى» دەپ ايىپتاعان بايانداما-ماقالا جاريالاناتىن بولسا، بۇل «ىنتىماقتاستىعىمىز ءۇشىن وتە جامان» دەپ قاتاڭ ەسكەرتكەن.

ەۋروپالىق وداقتىڭ تاعى ءبىر ديپلوماتىنىڭ ايتۋى بويىنشا، قىتايدىڭ جوعارى لاۋازىمدى قىزمەتكەرى سول كۇنى بەيجىڭدەگى ەۋروپالىق شەنەۋنىكتەرمەن حابارلاسىپ، «ەگەر جاريالانباق بولعان بايانداما قىتايدى سىنايتىن بولسا جانە ماقالا سول كۇنى شىعارىلسا، ىنتىماقتاستىق ءۇشىن وتە جامان بولادى» دەپ ەسكەرتكەن.

ەۋرووداقتاعى ءتورت ديپلوماتيالىق اقپارات كوزىنىڭ ايتۋىنشا، نەگىزىندە Reuters اقپاراتتىق اگەنتتىگىنە "21 ساۋىردە ماقالا بەرىلەدى" دەپ حابارلانعان، ءبىراق جۇڭگو شەنەۋنىكتەرى بايلانىسقا شىققان سوڭ، كەيىنگە شەگەرىلگەن. وعان قوسا، جاريالاناتىن اقپاراتتىڭ ءبىر ءبولىمى الىنىپ تاستالعان. 

بۇل تۋرالى باتىستىق ب ا ق "جۇڭگو ەندى ەۋرووداققا ءقاۋىپ ءتوندىردى" دەپ جارىسا جازدى.