يتاليا كوروناۆيرۋستىڭ تارالۋىن ازايتۋ ءۇشىن جەتى اپتا بۇرىن قويىلعان قاتاڭ شەكتەۋلەردى جەڭىلدەتۋ جوسپارلارىن مالىمدەدى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.

يتاليا پرەمەر-مينيسترى دجۋزەپپە كونتە 5 مامىردان باستاپ شەكتەۋ شارالارى جەڭىلدەيتىنىن جاريالادى. ەندى يتاليالىقتارعا بەتپەردە كيىپ، تۋىستارىنا بارۋىنا بولادى.

ساياباقتار قايتا اشىلادى، ءبىراق مەكتەپتەردە قىركۇيەك ايىنا دەيىن ساباق باستالمايدى.

شۆەيساريا مەن يسپانيا سياقتى باسقا ەلدەر دە شارالارىن جەڭىلدەتۋدە.

يتاليادا جەكسەنبىدە ۆيرۋستىڭ جاڭا 260 ءولىمى تىركەلدى، بۇل 14 ناۋرىزدان بەرگى ەڭ تومەنگى كۇندىك كورسەتكىش. ءقازىر بۇل سان 26 644-كە جەتتى، بۇل ەۋروپاداعى ەڭ جوعارى ءولىم مولشەرى.

الەمدە اۋرۋدى باقىلايتىن دجون حوپكينس ۋنيۆەرسيتەتىنىڭ مالىمەتتەرى بويىنشا، ەلدە 197 675 ۆيرۋس جۇقتىرۋشى تىركەلگەن.

يتاليادا ناۋرىز ايىنىڭ ورتاسىنان باستاپ ءولىم-جىتىمنىڭ ەڭ تومەنگى دەڭگەيى تىركەلگەن بولاتىن.