اقتوبە وبلىسىندا توتەنشە جاعداي كەزىندە 1125 ءتارتىپ بۇزۋشىلىق انىقتالدى. بۇل تۋرالى Polisia.kz حابارلادى.

ونىڭ ىشىندە ق ر اكىمشىلىك قۇقىق بۇزۋشىلىق تۋرالى كودەكستىڭ 476-بابى (تج رەجيمىن بۇزۋ) بويىنشا – 1075 قۇقىق بۇزۋشىلىق انىقتالدى. ونىڭ 211ء-ى قاماۋعا الىنسا، 257-نە ايىپپۇل سالىندى، ال 557 ادامعا ەسكەرتۋ جاسالىپ، 41 ءىس سوتقا جىبەرىلگەن.

ق ر اكىمشىلىك قۇقىق بۇزۋشىلىق تۋرالى كودەكستىڭ 478-بابى بويىنشا (تج جاعدايىندا قۇقىق ءتارتىبىن بۇزۋعا يتەرمەلەيتىن ىس-ارەكەتتەر) 50 زاڭبۇزۋشىلىق انىقتالدى، ونىڭ ىشىندە 23 جاعداي بويىنشا ايىپپۇل سالىندى، 27 دەرەكتە قاماۋعا الىنعان.

مىسالى، قالانىڭ ەكى تۇرعىنىنا پوليسيا قىزمەتكەرلەرى ق ر اكىمشىلىك قۇقىق بۇزۋشىلىق تۋرالى كودەكستىڭ 476-بابىنىڭ 6-تارماعى بويىنشا اكىمشىلىك حاتتاما تولتىرعان. ولار كارانتين كەزىندە ۆوكزال ماڭىنداعى الاڭدا تاۋلىك بويى پاتەر تاپسىرعان. مامانداندىرىلعان اكىمشىلىك سوتى ەكى ايەلگە 27 780 تەڭگە كولەمىندە ايىپپۇل سالدى.

ازاماتتاردىڭ بلوك-بەكەتتەردى زاڭسىز اينالىپ ءوتۋ فاكتىلەرى بويىنشا 78 زاڭبۇزۋشىلىق انىقتالدى.

پوليسيا دەپارتامەنتى قالا تۇرعىندارىنان قابىلداپ جاتقان شارالارعا تۇسىنىستىكپەن قاراۋدى سۇرايدى. سونىمەن قاتار بۇنىڭ ءبارى ينفەكسيا تارالۋىنىڭ الدىن الۋ. تۇرعىنداردان قاۋىپسىزدىك شارالارىن ساقتاۋدى جانە جەكە قورعانۋ قۇرالدارىن (ماسكالار مەن مەديسينالىق قولعاپتار) كيىپ ءجۇرۋدى، دالاعا شىقپاۋدى سۇرايدى.