الماتىنىڭ № 2 پەرزەنتحاناسىنان كوروناۆيرۋس ينفەكسياسىن جۇقتىرعان جۇكتى ايەل تىركەلدى. بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.
"پەرزەنتحاناعا جۇكتىلىكتىڭ 39-اپتاسىنداعى كەلىنشەك كەلگەن. ول كوروناۆيرۋس جۇقتىرعان اداممەن بايلانىستا بولعان. ول بۇل اقپاراتتى جاسىرىپ قالعان" دەلىنگەن باسپا ءسوز تاراتقان حابارلامادا.
ءقازىر قىزمەتكەرلەر مەن پاسيەنتتەر پتر-تەستىلەۋدەن ءوتتى. ولاردى باسقا مەديسينالىق مەكەمەلەرگە اۋىستىرۋ نەمەسە ءۇي كارانتينىنە جىبەرۋ قاراستىرىلىپ جاتىر.
"№2 پەرزەنتحانا عيماراتىندا زارارسىزداندىرۋ شارالارى جاسالدى. ءقازىر مەكەمەدە پاسيەنت قابىلداۋ توقتاتىلدى. قىزمەتكەرلەر مەن پاسيەنتتەر تاعى قوسىمشا تەستىلەۋدەن وتەدى. ۆيرۋس جۇقتىرعانى راستالماسا، پەرزەنتحانا شتاتتىق رەجىمدە جۇمىسىن جالعاستىرادى" دەلىنگەن حابارلامادا.
پىكىر قالدىرۋ