رەسەي پرەمەر-مينيسترى ميحايل ميشۋستين كوروناۆيرۋس جۇقتىردى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.

ۆيدەو رەجيمىندە وتكەن كەزدەسۋ بارىسىندا ميشۋستين: "مەن وقشاۋلانىپ، دارىگەرلەردىڭ بۇيرىعىن ورىنداۋىم كەرەك. بۇل مەنىڭ ارىپتەستەرىمدى قورعاۋ ءۇشىن قاجەت" دەدى.

پرەمەر-مينيستردىڭ ءبىرىنشى ورىنباسارى اندرەي بەلوۋسوۆ ءميشۋستيننىڭ مىندەتىن ۋاقىتشا اتقارادى.

54 جاستاعى ميحايل ميشۋستين قاڭتاردا پرەمەر-مينيستر بولىپ تاعايىندالعان.

رەسەي ەكونوميكاعا كەلگەن زارداپتاردى وڭالتىپ، بيزنەسكە كومەكتەسۋ ءۇشىن وقشاۋلاۋ شەكتەۋلەرىن جەڭىلدەتۋ تۋرالى ماسەلەنى قاراستىرۋدا.

ەلدە وقشاۋلاۋ شارالارى بۇگىن اياقتالۋى كەرەك بولاتىن، ءبىراق ەلدىڭ الداعى جوسپارلارى تۋرالى ءالى ەشتەڭە ايتىلعان جوق.

سەيسەنبى كۇنى پۋتين رەسەيلىكتەردى ۇيدە بولۋعا شاقىرا وتىرىپ، شارالار تاعى ەكى اپتاعا سوزىلۋى مۇمكىندىگىن مالىمدەگەن.