الماتىدا COVID-19 ىندەتىنە تەكسەرىلەتىن ادامداردىڭ قاتارى كەڭەيدى. بۇل تۋرالى قالالىق تاۋارلار مەن قىزمەتتەر ساپاسىن جانە قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا مالىمدەدى.

– ءبىز دەنساۋلىق ساقتاۋ مينيسترلىگىنىڭ تاپسىرماسى بويىنشا پنيەۆمونيا جانە ءجرۆي-دىڭ اۋىر تۇرىمەن ستاسيونارعا كەلەتىن ناۋقاستاردىڭ بارلىعىن كوروناۆيرۋس ينفەكسياسىنا تەكسەرەتىن بولامىز. ازىرگە وكپە قابىنۋىنىڭ بەلگىلەرى بار 49 ادام تەكسەرىستەن ءوتتى. سونىڭ ىشىندە پنيەۆمونياسى بار ءبىر ناۋقاستا ءقاۋىپتى ىندەت انىقتالدى. كەشەگى كۇن بويىنشا پنيەۆمونيامەن اۋىراتىن 13 بالانىڭ بەسەۋىندە ىندەت انىقتالمادى. قالعاندارى زەرتتەلۋدە، – دەدى ا. مولداعاسىموۆا.

بۇگىندە ىندەتى تارالعان ەلدەردەن كەلەتىن ادامداردىڭ اراسىندا كوروناۆيرۋستىق ينفەكسيانى انىقتاۋ جۇمىستارى جالعاسۋدا.

ايتا كەتۋ كەرەك، ءقاۋىپتى ىندەتكە تەكسەرىلەتىندەردىڭ قاتارى كەڭەيەدى. اسىرەسە، بۇل ساناتقا برونح-وكپە اۋرۋىنىڭ بەلگىلەرى بار ءارى ەسەپتە تۇرعان 60 جاستان اسقان ادامدار كىرەدى. بۇدان وزگە الدىڭعى شەپتە قىزمەت ەتىپ جۇرگەن مەدقىزمەتكەرلەر دە تەكسەرۋدەن وتەدى.

بريفينگتى قورىتىندىلاعان قالانىڭ باس سانيتارلىق دارىگەر ادامداردا جوتەل مەن دەنە قىزۋىنىڭ كوتەرىلۋ سياقتى بەلگىلەر پايدا بولعان جاعدايدا، جەدەل جاردەم شاقىرۋعا كەڭەس بەردى.