الماتىدا كوروناۆيرۋستىق ينفەكسيانى جۇقتىرۋدىڭ راستالعان 116 جاعدايى تىركەلدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

ىندەتتى جۇقتىرۋشىلارمەن بايلانىستا بولعان جاڭا التى جاعداي انىقتالدى.

​قازىرگى ۋاقىتتا قالانىڭ جۇقپالى اۋرۋلار ستاسيونارلارىندا COVID-19 دياگنوزى بار 96 پاسيەنت بار، ونىڭ ىشىندە ءبىر ايەل ادام الماتى وبلىسىنىڭ تۇرعىنى.

​79 ناۋقاستىڭ جاي-كۇيى – قاناعاتتانارلىق. 2 ەرەسەك ادامنىڭ جاي-كۇيى – وتە اۋىر، 2 ادامدا – اۋىر، 13 ەرەسەك ادامنىڭ جاي-كۇيى – ورتاشا.

​بۇگىن كوروناۆيرۋستىق ينفەكسيادان جازىلعان تاعى ەكى ناۋقاس اۋرۋحانادان شىعارىلدى. بۇل 1997 جانە 1998 جىلعى قىزدار. ولاردىڭ ءبىرى 15 ناۋرىزدا ىستامبۇل – الماتى رەيسىمەن ۇشىپ كەلگەن، ەكىنشىسى بۇعان دەيىن انىقتالعان ناۋقاسپەن بايلانىستا بولعان.

​بۇگىندە مەگاپوليستە جالپى 21 ناۋقاس ساۋىعىپ جازىلدى، ونىڭ ىشىندە 2ء-ى – بالا. ولاردىڭ بارلىعى 14 كۇندىك ءۇي كارانتينىندە جاتىر. قازىرگى ۋاقىتتا پروۆيزور ورتالىقتارىندا 521 ادام بار، ونىڭ ىشىندە 79-ى – بالا. ​ەكى كۇندىك كارانتيندە – 390 ادام (48 بالا)، ءۇي كارانتينىندە – 4805 ادام.