الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ كوروناۆيرۋستىق ينفەكسيا جۇقتىرعان 119 جاعداي تىركەلگەنىن حابارلادى.

سپيكەر قازىرگى كەزدە جۇقپالى اۋرۋلار ستاسيونارلارىندا 99 ناۋقاس Covid-19-دان ەمدەلىپ جاتقاندىعىن، ونىڭ ىشىندە تورتەۋى – بالالار ەكەندىگىن ايتتى.

وسى ۋاقىتقا دەيىن كوروناۆيرۋستىق ينفەكسيانى جۇقتىرۋدىڭ جاڭا ءۇش جاعدايى انىقتالىپ وتىر. ولاردىڭ ءبارى وسى ينفەكسيامەن اۋىرعان ناۋقاستارمەن بايلانىستا بولىپ جۇقتىرعان.

ولاردىڭ بىرەۋى 1975 جىلى تۋىلعان ەر ادام بولسا، قالعاندارى 1962 جانە 1964 جىلى تۋىلعان ايەلدەر.

ەر ادامنىڭ جاي-كۇيى ورتاشا دەڭگەيدە اۋىر دەپ باعالانۋدا، تەكسەرىپ-قاراۋ كەزىندە ودان پنيەۆمونيا انىقتالعان. ال ايەلدەردىڭ جاي-كۇيى – قاناعاتتانارلىق، ياعني اۋرۋ اعىمىنىڭ جەڭىل ءتۇرى ەكەنى بەلگىلى بولدى.

بۇلارمەن بايلانىستا بولعان بارلىق ادامدار كارانتينگە جاتقىزىلدى.
بۇگىنگى كۇنى ەمدەۋدەن شىعارىلعان ناۋقاستار جوق.

ايتا كەتەيىك، مەگاپوليستە كوروناۆيرۋستان ەمدەلىپ شىققانداردىڭ جالپى سانى – 21 ادام.

ال 80 ناۋقاستىڭ جاي-كۇيى قاناعاتتانارلىق، 2 ەرەسەك ادامنىڭ جاعدايى وتە اۋىر بولسا، 4 ناۋقاستىڭ ءحالى – اۋىر، 13 ەرەسەك ادامنىڭ جاي-كۇيى ورتاشا اۋىرلىق دەڭگەيدە، ارالارىندا ءبىر وبلىس تۇرعىنى بار.

پروۆيزورلىق ورتالىقتاردا ءقازىر 318 ادام بولسا، ولاردىڭ 35ء-ى بالالار.

تەك كەشە عانا وسى پروۆيزورلىق ورتالىقتاردان 203 ادام ەمدەۋدەن شىعارىلدى. ولاردىڭ 44ء-ى بالالار. بۇلاردىڭ بارلىعى 14 كۇندىك كارانتيندە بولىپ، ينفەكسيا جۇقتىرماعاندىعى انىقتالىپ، اۋرۋحانادان شىعارىلدى.

ەسكەرتە كەتەيىك، كارانتيندىك وقشاۋلاۋدا ءقازىر 385 ازامات بار، ونىڭ ىشىندە 39-ى بالالار، ال ءۇي كارانتينىندە — 5144 ادام وتىر.