تاۋارلار مەن قىزمەتتەر ساپاسىن جانە قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا الماتىدا 13 مىڭنان استام ادام COVID-19 ىندەتىنە تەكسەرىلگەنىن مالىمدەدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

– سوڭعى ءبىر تاۋلىكتىڭ ىشىندە ىندەتتى جۇقتىرۋدىڭ جاڭا ەكى جاعدايى انىقتالدى. ەكەۋى دە ىندەتتى ناۋقاس ادامدارمەن بايلانىستا بولىپ جۇقتىرعان. جالپى ستاسيونارلىق كارانتيندە 877 ناۋقاس، ءۇي كارانتينىندە 5217 ادام جاتىر. جۇقپالى اۋرۋلار اۋرۋحاناسىندا – 211، پروۆيزورلاردا – 301 جانە كارانتيندىك گوسپيتالداردا – 388، – دەدى سپيكەر .

ءقاۋىپتى ىندەتتى جۇقتىرعان 121 ناۋقاستىڭ ىشىندە 65%-ى سىرقات اداممەن بايلانىستا بولعاندار. ال 5%-ى جەرگىلىكتى، 30%-ى ىندەتتى سىرتتان اكەلگەندەر ەكەن.

كەشەگى كۇنى قوسىمشا 813 ادام پسر ءادىسى بويىنشا تەستىلەۋدەن ءوتتى. جالپى بۇگىنگى كۇنگە دەيىن الماتىدا 13 مىڭنان استام ادام COVID-19 ىندەتىنە تەكسەرىلدى.

– كۇنى كەشە ق ر دەنساۋلىق ساقتاۋ مينيسترلىگى الماتى قالاسى ءۇشىن قوسىمشا 55-تەن استام جاڭا تەست جىبەردى. بۇل پسر دياگنوستيكادان وتۋگە ءتيىس ناۋقاستارعا قاجەت، – دەدى ا. مولداعاسىموۆا.

سپيكەر الماتىدا COVID-19 ىندەتىنە تەكسەرىلەتىن ادامدار قاتارىنىڭ كەڭەيگەنىن دە تىلگە تيەك ەتتى. بۇعان دەيىن ايتىلعانداي، وكپە قابىنۋى جانە ءجرۆي-دىڭ اۋىر تۇرىمەن ستاسيونارعا كەلەتىن ناۋقاستاردىڭ بارلىعى كوروناۆيرۋس ينفەكسياسىنا تەكسەرىلۋدە.

– بۇدان وزگە ۇلتتىق گۆارديانىڭ، قورعانىس مينيسترلىگىنىڭ قىزمەتكەرلەرى، پوليسەيلەر، اسكەري قىزمەتشىلەر مەن بلوك-بەكەتتەگى مەملەكەتتىك ورگانداردىڭ قىزمەتكەرلەرى دە تەكسەرىلمەك. سونداي-اق سانەپيدەميلوگيالىق قىزمەتتىڭ 179 قىزمەتكەرى – دارىگەرلەر، مەدبيكەلەر دە كوروناۆيرۋستىق ينفەكسياعا تەكسەرۋدەن ءوتتى، – دەدى ا. مولداعاسىموۆا.

جيىن سوڭىندا كارانتين ءتارتىبىنىڭ ماڭىزدىلىعىنا توقتالعان سپيكەر:

– كارانتين كەزىندە ىندەت تەز تارالمايدى. ياعني، جۇقتىرۋ ىقتيمالدىعى دا سوعۇرلىم از بولادى، – دەپ اتاپ ءوتتى.