الماتىدا اۋىر حالدە بولعان ەكى پاسيەنتتىڭ جاي-كۇيى جاقساردى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

ەكى ادامنىڭ ءبىرى 46 جاستاعى ايەل ادام 3 ناۋرىزدا «"سOVID-19" بويىنشا راستالعان جاعداي، اۋرۋحانادان تىس 2 جاقتى پوليسەگمەنتارلى پنيەۆمونيا، تىنىس الۋ جەتىسپەۋشىلىگىنە بايلانىستى اۋىر اعىمى» دياگنوزىمەن كەلىپ تۇسكەن.​

از دەنە قيمىل-قوزعالىسى كەزىندە كۇشەيەتىن، تىنىشتىقتا ەنتىگۋ شاعىمدارى، قيىن بولىنەتىن قاقىرىعى بار جوتەل، ايقىن جالپى السىزدىك الاڭداتقان.

ەكىنشى پاسيەنت 1955 جىلى تۋعان. سول سيمپتومدارمەن.

رەانيماسيا بولىمشەسىندە ەكەۋىنە دە كورونوۆيرۋستىق ينفەكسيانى دياگنوستيكالاۋ جانە ەمدەۋ حاتتاماسىنا سايكەس ۆيرۋسقا قارسى، باكتەرياعا قارسى تەراپيا جۇرگىزىلدى.

سونىمەن قاتار، كەلەسى ەمدەۋ شارالارى: وكسيگەنوتەراپيا، ءينۆازيۆتى ەمەس ءوجج، كەۋدە قۋىسىنىڭ اپپاراتتىق ۆيبروماسساجى جانە ت. ب. جۇرگىزىلدى.

«ەمدەلۋ كەزىندە وزدەرىن جاقسى سەزىنگەندەرى، ەنتىگۋ مەن السىزدىكتەرى ازايۋى سياقتى وڭ وزگەرىستەرمەن پاسيەنتتەر ادەتتەگى بولىمشەگە اۋىستىرىلدى»، – دەدى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ.

قازىرگى ۋاقىتتا ينفەكسيالىق ستاسيوناردا الماتى وبلىسىنان كەلگەن پاسيەنتتى ەسكەرە وتىرىپ، كوروناۆيرۋسى بار 99 ادام ەمدەلىپ جاتقاندىعىن ەستەرىڭىزگە سالامىز.

70 ناۋقاستىڭ جاي-كۇيى – قاناعاتتانارلىق، جەتى ادامنىڭ جاي-كۇيى – اۋىر، 22 پاسيەنتتە (1 وبلىستىق) – اۋىرلىقتىڭ ورتاشا دارەجەسىندە.