كيم چەن ىن كوپشىلىك الدىنا قايتا شىققان كەزدە، ونىڭ بىلەگىندە جۇمباق بەلگى بايقالعان. بۇل تۋرالى قامشى ءتىلشىسى The Mirror باسىلىمىنا سىلتەمە جاساپ حابارلايدى.
سولتۇستىك كورەيانىڭ كوشباسشىسى 20 كۇن جوعالىپ، تىڭايتقىش شىعاراتىن زاۋىتتىڭ اشىلۋ سالتاناتىندا حالىق الدىندا كەنەتتەن پايدا بولعان كەزدە، ونىڭ بىلەگىنەن بايقالعان جۇمباق تاڭبا باقىلاۋشىلاردىڭ نازارىنا ءىلىندى.
"كيم چەن ىننىڭ بىلەگىندەگى جۇمباق بەلگىدەن كەم دەگەندە وعان نە بولعانىن بىلۋگە بولادى" دەپ جازادى بريتانيالىق باسىلىم.
كيم چەن ىننىڭ بىلەگىندەگى بەلگىنى سولتۇستىك كورەياداعى تاۋەلسىز جاڭالىقتار قىزمەتى NK News العاش بايقاعان.
"38 جاستاعى ديكتاتور ءۇش اپتا ءىز-تۇسسىز كەتىپ، قايتا كوپشىلىك الدىنا شىققان كەزدە ونىڭ بىلەگىندە جاڭا جۇمباق بەلگى بولدى" دەپ حابارلادى NK News.
اقش مەديسينالىق مامانىنىڭ ايتۋىنشا، بۇل بەلگى جۇرەك-قان تامىرلارى پروسەدۋراسىنان تۋىنداعان تىرتىق بولۋى مۇمكىن.
"اناليزگە قان ۇلگىسىن الۋ كەزىندە قالعان بەلگى بولۋى ىقتيمال" دەدى ماماندار.
پىكىر قالدىرۋ