شىمكەنتتە توتەنشە جاعداي رەجيمىن بۇزعان ازامات جەرگىلىكتى پوليسيا قىزمەتى ءبولىمى باسشىسىنا پارا ۇسىنعان. بۇل تۋرالى Polisia.kz حابارلايدى.
"23 جاستاعى ەر ادام اكىمشىلىك قۇقىق بۇزۋشىلىق تۋرالى كودەكسىنىڭ 476-بابى بويىنشا (توتەنشە جاعداي رەجيمىن بۇزۋ) اكىمشىلىك جاۋاپكەرشىلىككە تارتپاۋىن سۇراپ اباي اۋداندىق پوليسيا باسقارماسىنىڭ جەرگىلىكتى پوليسيا قىزمەتى ءبولىمى باسشىسىنىڭ ورىنباسارى نۇرلان نارىمبەتوۆكە پارا رەتىندە 15 000 تەڭگە ۇسىنعان"، دەلىنگەن دەپارتامەنت تاراتقان حابارلامادا.
پوليسيا قىزمەتكەرى بۇل جايت تۋرالى شىمكەنت قالاسى پوليسيا دەپارتامەنتىنىڭ وزىندىك قاۋىپسىزدىك باسقارماسىنا حابارلاپ، پوليسەيلەر پارا بەرۋشىنى اقشا بەرۋ ۇستىندە ۇستادى.
اتالعان جايت قىلمىستىق كودەكستىڭ 367-بابىنىڭ 1-بولىگىندە (پارا بەرۋ) كوزدەلگەن قىلمىس بەلگىلەرى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە تىركەلگەن.
