كيم چەن ىن جاقىندا لەنتاسىن قيعان تىڭايتقىش شىعاراتىن زاۋىت، شىن مانىندە يادرولىق زىمىراندار باعدارلاماسىنا قاتىسى بولۋى مۇمكىن. بۇل تۋرالى قامشى ءتىلشىسى Bloomberg باسىلىمىنا سىلتەمە جاساپ حابارلايدى.
"زاۋىت يادرولىق قارۋلار جاساۋعا قاجەت ۋران الۋ ءۇشىن قولدانىلۋى مۇمكىن" دەپ حابارلايدى باسىلىم.
– كحدر-عا تىڭايتقىش قاجەت جانە تىڭايتقىش شىعارۋ پروسەسىنىڭ ورتاسىندا ۋران الۋعا بولادى، – دەپ جازدى مونتەرەي ميدبەريدەگى حالىقارالىق زەرتتەۋلەر ينستيتۋتىنىڭ قىزمەتكەرى مارگارەت كروي.
ونىڭ زەرتتەۋلەرىنشە، زاۋىت سولتۇستىك كورەيانىڭ اۋىلشارۋاشىلىق وندىرىسىنە كومەكتەسەدى جانە تىڭايتقىشتا قولدانىلاتىن فوسفور قىشقىلىنان ۋران الۋعا دا مۇمكىندىك بەرەدى.
كەيبىر باقىلاۋشىلاردىڭ ويىنشا، بۇل – يندۋستريالدىق الاڭ پحەنياننىڭ يادرولىق امبيسياسىن الەمنەن جاسىرۋدىڭ ەڭ جاقسى ءتاسىلى.
– بۇل ءتاسىل ءوز كەزەگىندە سولتۇستىك كورەياداعى يادرولىق وقتۇمسىقتاردىڭ سانىن بولجاۋعا كەرى اسەر ەتەدى، – دەدى مارگارەت كروي.
پىكىر قالدىرۋ