جۇمىسپەن قامتۋدىڭ جول كارتاسى جانە باسقا دا مەملەكەتتىك باعدارلامالار اياسىندا بيىل 1 ميلليون 220 مىڭ ادامدى جۇمىسپەن قامتۋ جوسپارلانۋدا. بۇل تۋرالى ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى.
ەڭبەكمين باسشىسى بارلىق وڭىردە جۇمىسپەن قامتۋدى قامتاماسىز ەتۋ جانە جۇمىس ورىندارىن قۇرۋ جونىندەگى ءىس-شارالاردى قاراستىراتىن 2020-2021 جىلدارعا ارنالعان جۇمىسپەن قامتۋدىڭ جول كارتاسىن، ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىن، باسقا دا مەملەكەتتىك جانە ۇكىمەتتىك باعدارلامالاردى ىسكە اسىرۋدى قامتيتىن كەشەندى جۇمىسپەن قامتۋ جوسپارلارى بەكىتىلگەنىن مالىمدەدى.
– بارلىق ىسكە اسىرىلىپ جاتقان باعدارلامالاردىڭ الەۋەتىن ەسكەرە وتىرىپ، 2020 جىلى جۇمىسپەن قامتۋدى ىنتالاندىرۋ شارالارىنا 1 ميلليون 220 مىڭ ادامدى تارتۋ مۇمكىندىگى بار. سونىڭ ىشىندە 855 مىڭ ادام جۇمىسپەن قامتۋدىڭ جول كارتاسى جانە «ەڭبەك» مەملەكەتتىك باعدارلاماسى بويىنشا نازارعا الىنسا، باسقا دا مەملەكەتتىك باعدارلامالار بويىنشا جەرگىلىكتى جانە ورتالىق اتقارۋشى ورگاندار قوسىمشا 364 مىڭ ادامدى قوسىمشا قامتۋدى جوسپارلاپ وتىر، – دەدى ءبىرجان نۇرىمبەتوۆ.
