ستاتيستيكا كوميتەتى 2019 جىلعى ءساۋىر مەن 2020 جىلعى ءساۋىر ارالىعىندا ازىق-تۇلىك تاۋارلارى 10،4 پايىزعا قىمباتتاعانىن حابارلادى.

نان ونىمدەرى جانە جارمالار، ەت، بالىق جانە تەڭىز ونىمدەرى، ءسۇت ونىمدەرى، جۇمىرتقا، ماي جانە توڭماي، كونديتەرلىك ونىمدەر، جاڭا جينالعان كوكونىستەر مەن جەمىستەر، الكوگولسىز سۋسىندار جانە الكوگولدى ىشىمدىكتەر قىمباتتاعان. ال قانت باعاسى كەرىسىنشە ارزانداعان.

جارما ونىمدەرى توبىنا جاتاتىن قاراقۇمىقتىڭ ورتاشا باعاسى كيلوگرامىنا 349 تەڭگەنى (2019 جىلعى ساۋىردە – 243 تەڭگە)، س ۇلى جارماسى – 357 تەڭگەنى (334 تەڭگە)، سوككە – 372 تەڭگەنى (285 تەڭگە)، كۇرىش 373 تەڭگەنى (333 تەڭگە) قۇراعان.

قۇمشەكەردىڭ ورتاشا باعاسى 2020 جىلعى ساۋىردە كيلوگرامىنا 213 تەڭگەگە، 2019 جىلعى ساۋىردە 243 تەڭگەگە تەڭ بولدى.

ءسۇت ونىمدەرىنە جاتاتىن سۇزبەنىڭ ورتاشا باعاسى كيلوگرامىنا 1637 تەڭگە (2019 جىلعى ساۇىردە – 1562 تەڭگە)، قايماق – 1136 تەڭگە (1050 تەڭگە)، ايران – 305 تەڭگە (285 تەڭگە)، پاستەرلەنگەن ءسۇت 260 تەڭگە (240 تەڭگە) شاماسىندا.