جامبىل وبلىسى اكىمىنىڭ وكىمىمەن مايلىبايەۆ عاني ايدار ۇلى وبلىستىق تۋريزم باسقارماسىنىڭ باسشىسى بولىپ تاعايىندالدى، – دەپ حابارلايدى Qamshy.kz اقپارات اگەنتتىگى جامبىل وبلىسى اكىمىنىڭ باسپا ءسوز قىزمەتىنە سىلتەمە جاساپ.

عاني مايلىبايەۆ 2004 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن (باكالاۆر) قارجى ماماندىعى بويىنشا، 2010 جىلى وسى ۋنيۆەرسيتەتتى «قۇقىق جانە ەكونوميكا نەگىزدەرى» ماماندىعى بويىنشا ءتامامداعان. رەسەي فەدەراسياسىنىڭ پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك باسقارۋ اكادەمياسىنىڭ «ايماقتىق جانە مۋنيسيپالدى باسقارۋ» ماماندىعى بويىنشا تۇلەگى.

ەڭبەك جولىن 2008 جىلى «نۇر وتان» پارتياسى الماتى قالاسى بوستاندىق اۋداندىق فيليالىنىڭ ەسەپ جانە ستاتيستيكا سەكتورىنىڭ مەڭگەرۋشىسى، باس ەسەپشىسى بولىپ باستاعان.

2010 جىلدان 2013 جىلعا دەيىن – «نۇر وتان» پارتياسىنىڭ الماتى قالاسى الاتاۋ اۋداندىق فيليالىنىڭ زاڭگەر-كەڭەسشىسى، 2013 جىلدان 2014 جىلعا دەيىن – «نۇر وتان» پارتياسىنىڭ الماتى قالاسى الاتاۋ اۋداندىق فيليالىنىڭ كەڭەسشىسى، 2014 – 2015 جىلدارى – «نۇر وتان» حدپ الماتى قالاسى مەدەۋ اۋداندىق فيليالى ءتوراعاسىنىڭ ءبىرىنشى ورىنباسارى، 2015 – 2019 جىلدارى – الماتى قالاسى مەدەۋ اۋدانى اكىمىنىڭ ورىنباسارى، 2019 جىلدىڭ ماۋسىمىنان 2020 جىلدىڭ ساۋىرىنە دەيىن – الماتى قالاسى ناۋرىزباي اۋدانى اكىمىنىڭ ورىنباسارى قىزمەتتەرىن اتقارعان.