قازاقستاننان مايدانعا اتتانعان 1 ميلليوننان استام جاۋىنگەردىڭ 528ء-ى كەڭەس وداعى باتىرى اتاعىن الدى. ونىڭ جۇزدەن استامى – قازاقتار. ال 110 قازاقستاندىق ءۇشىنشى دارەجەلى داڭق وردەنىمەن ماراپاتتالدى.

وتكەن عاسىرداعى سۇراپىل سوعىستا شايقاسقان بارلىق جاۋىنگەردىڭ ماقساتى ءبىر بولدى. ول ماقسات – جەڭىس ءۇشىن قولدان كەلگەندى ايانباۋ.

مايدان دالاسىندا ەرەكشە ەرلىك كورسەتكەن 4 سارباز ەكى مارتە كەڭەس وداعىنىڭ باتىرى اتاعىن الدى. ولار: تالعات بيگەلدينوۆ، لەونيد بەدا، سەرگەي لۋگانسكيي جانە يۆان پاۆلوۆ.

بويجەتكەن شاعىندا مايدانعا ءوز ەركىمەن سۇرانعان ءاليا مولداعۇلوۆا مەن مانشۇك مامەتوۆانىڭ ەرلىك جولى دا ەشقاشان ۇمىتىلماق ەمەس. ەكى وجەت قىزعا دا كەڭەس وداعىنىڭ باتىرى اتاعى بەرىلدى.

ەكىنشى دۇنيەجۇزىلىك سوعىستا تىل ەڭبەككەرلەرىنىڭ دە قوسقان ۇلەسى زور.

سۇراپىل سوعىستا قولدانىلعان 10 وقتىڭ 9-ى قازاق جەرىندە وڭدەلدى. كولحوزدار مەن سوۆحوزدار مايدانعا ازىق-تۇلىك پەن كيىم-كەشەكتەن بولەك،  مال، ءتىپتى اۋىل شارۋاشىلىق تەحنيكاسىن جىبەرىپ وتىردى. 1942-1943 جىلدار ارالىعىندا رەسپۋبليكا اۋىل شارۋاشىلىعىنان 4111 تراكتور، 1184 جۇك ماشينالارى، 30318 جىلقى مايدانعا جىبەرىلگەن.