ق ر پرەمەر-مينيسترىنىڭ ءبىرىنشى ورىنباسارى ەرالى توعجانوۆ ونلاين بريفينگ بارىسىندا سوڭعى قوڭىراۋ شاراسىنىڭ قاشان جانە قالاي وتەتىنى تۋرالى ايتتى.
ونىڭ سوزىنشە، اتتەستات تابىستاۋ مەن سوڭعى قوڭىراۋ شاراسى 3-4 ماۋسىم كۇندەرى اشىق اسپان استىندا وتەدى. وندا ادام سانى شەكتەلىپ، سانيتارلىق نورمالار قاتاڭ ساقتالۋى قاداعالانادى.
ۆيسە-پرەمەر سونداي-اق 3،3 ملن وقۋشى جانە كوللەدجدەر مەن جوو-لاردىڭ 1 ملن ستۋدەنتى ءۇشىن وقۋ جىلىنىڭ سوڭىنا دەيىن قاشىقتان وقىتۋ رەجيمى ساقتالاتىنىن، ۇلتتىق ءبىرىڭعاي تەستىلەۋ جوسپارلى تۇردە وتەتىنىن ءمالىم ەتتى.
ەسكە سالا كەتەيىك، پرەمەر-مينيستردىڭ ءبىرىنشى ورىنباسارى جىلدىڭ اياعىنا دەيىن 600-مىڭ ادام جۇمىسپەن قامتىلادى دەپ مالىمدەدى.
پىكىر قالدىرۋ