بۇل تۋرالى مو تاۋارلار مەن كورسەتىلەتىن قىزمەتتەردىڭ ساپاسىن باقىلاۋ دەپارتامەنتىنىڭ باسشىسى ەرعالي سىدىمانوۆ وبلىستىق قوعامدىق كوممۋنيكاسيا ورتالىعى الاڭىندا وتكەن بريفينگتە مالىمدەدى.

اعىمداعى جىلدىڭ 11 مامىرىندا ەپيدەميولوگيالىق جاعداي بويىنشا  ماڭعىستاۋ وبلىسى اۋماعىندا كوروناۆيرۋس ينفەكسياسىن جۇقتىرعان قوسىمشا 9 ادام تىركەلدى. وبلىس بويىنشا 129 ناۋقاس كوروناۆيرۋس ىندەتىمەن تىركەلگەن. سوڭعى 7 كۇن ىشىندە 55 (74،3 پايىز) ناۋقاس تىركەلدى.

كوروناۆيرۋس ينفەكسياسىن جۇقتىرعانداردىڭ ەڭ جوعارى بەينەۋ اۋدانىندا – 37 جاعداي، قاراقيا اۋدانىندا – 30 جاعداي، اقتاۋ قالاسىندا – 29 جاعداي، جاڭاوزەن قالاسىندا – 23 جاعداي.

وبلىس كولەمىندە تىركەلگەن 129 جاعدايدىڭ ىشىندە:

• سىرتتان اكەلىنگەن – 5 جاعداي (ستامبۋل – 1، سانكت-پەتەربۋرگ – 2، استراحان – 2)
• جەرگىلىكتى جاعداي – 36 (ونىڭ ىشىندە 20-سى «تەڭىزشيەۆرويل» مەكەمسىنەن كەلگەن جۇمىسشىلار)
• قارىم-قاتىناستا بولعاندار اراسىنان – 88 جاعداي (68،2%) قۇرادى.

كوروناۆيرۋستىق ينفەكسيا جۇقتىرعانداردىڭ ءوسۋىنىڭ نەگىزگى سەبەپتەرى  بىرىنشىدەن،  قاراقيا اۋدانىنىڭ سەنەك اۋىلىندا كارانتين رەجيمى كەزىندە جانۇيالىق ءىس-شارا (ساداقا) وتكىزۋ بولىپ تابىلدى. اتالعان اۋىلدىڭ وزىندە بۇگىنگى كۇنگى 23 جاعداي انىقتالدى. سول شارادا بولعان ادامدار انىقتالىپ، وقشاۋلاندى.

ەكىنشىدەن، اتىراۋ وبلىسىنداعى «تەڭىزشيەۆرويل» كومپانياسىندا ۆاحتالىق ادىسپەن قىزمەت ەتەتىن 705 ءوڭىر تۇرعىنى كەلدى. وسى كەلگەندەردىڭ بارلىعى زەرتحانالىق تەكسەرىستەن ءوتىپ، ونىڭ ىشىندە 20 ادامنان ينفەكسيا انىقتالدى.

ۇشىنشىدەن، رەسەيدە وقىپ جاتقان ءوڭىردىڭ 154 ستۋدەنتى كەلدى. وسى كەلگەندەردىڭ بارلىعى تەكسەرىلىپ، ونىڭ ىشىندە 4 ادامنان ينفەكسيا انىقتالدى.

ينفەكسيا وشاقتارىندا بايلانىستا بولعان ادامدار – 1937، جاقىن قاتىناستا – 484، پوتەنسيالدىق قاتىناستا – 1453.

2020 جىلدىڭ 3 ناۋرىزىنان بۇگىنگى كۇنگە دەيىن 11 186 ادام تەكسەرىلىپ، 129 ادام كۆي انىقتالدى،  – دەدى ەرعالي سىدىمانوۆ.

ماڭعىستاۋ وبلىسىندا  اۋرۋىنىڭ ورشۋىنە بايلانىستى جانە ق ر باس سانيتارلىق دارىگەرىنىڭ قاۋلىسى نەگىزىندە كەلەسى وبەكتىلەر جۇمىستارىن جانارتىلادى: جالپى ەرەجە بۇرىنعىداي̆. وعان قوسىمشا: بالاباقشالار (تەك اتا-اناسى جۇمىستاعى بالالار عانا بارا الادى، جۇمىسىڭىزدان ونى راستايتىن انىقتاما اپارىپ بەرۋىڭىز كەرەك) قوسىمشا وقۋ ورتالىقتارى، سۇلۋلىق سالونى، بانك، حقكو، پوشتالار، ساقتاندىرۋ كومپانيالارى، نوتاريۋس، ادۆوكاتتىق كەڭسەلەر، قۇرىلىس دۇكەندەرى، تىگىن، اياق كيىم شەبەرحانالارى، اۆتوكولىك جۋۋ ورىندارى ءوز جۇمىسىن باستاسا بولدى. بۇل جەرلەرگە بەتپەردەسىز كىرۋگە بولماي̆دى. 1،5 - 2 مەتر ارا قاشىقتىقتى ساقتاۋ كەرەك. كوكتەمگى دالا جۇمىستارىنا دا رۇقسات بەرىلدى.

مەكەمە مەن كەڭسە قىزمەتكەرلەرىنىڭ 50% ءالى دە اراقاشىقتىقتا جۇمىس ىستەۋ تۋرالى ۇسىنىلدى.