ينفەكسياعا قارسى اشىلعان ستاسيونارلاردا 112 ناۋقاس ەمدەلىپ جاتىر

بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسى دەنساۋلىق ساقتاۋ باسقارماسىنىڭ باسشىسى جامال جامانبايەۆا مالىمدەدى.

بۇگىنگى تاڭدا وڭىردە ينفەكسياعا قارسى اشىلعان ستاسيونارلاردا 112 ناۋقاس ەمدەلىپ جاتىر. ونىڭ ىشىندە 1 جۇكتى ايەل جانە 28 بالا بار. ناۋقاستاردىڭ جاعدايىنا توقتالاتىن بولساق:

82 – ناۋقاستىڭ جاعدايلارى قاناعاتتانارلىق؛

26 – ورتاشا اۋىرلىقتا؛

3 – جاعدايلارى قالىپتى اۋىر دەپ باعالانۋدا؛

16 – جازىلىپ شىققاندار.

قازىرگى تاڭدا اقتاۋ، جاڭاوزەن قالالارى مەن بەينەۋ، ءتۇپقاراعان، ماڭعىستاۋ اۋداندارىندا ينفەكسيالىق بولىمدەر اشىلدى. پروۆيزورلىق ستاسيونارلار بارلىق ەلدى مەكەندەردە اشىلدى. سونىڭ ىشىندە، بارلىق مەديسينالىق ۇيىمداردا پروۆيزورلىق فيلترلەر اشىلدى. سونداي-اق، وبسەرۆاسيالىق، كارانتيندىك ستاسيونارلار اشىلدى.

كوروناۆيرۋس ىندەتىن جۇقتىرعان ناۋقاستار اراسىندا بالا سانى 29.

كۆي ىندەتى بويىنشا قىزمەتكە جۇمىلدىرىلعان مەديسينالىق قىزمەتكەرلەرگە جاعداي جاساۋ ءۇشىن، سونىمەن قاتار مەديسينالىق قىزمەتكەرلەردىڭ وتباسى مۇشەلەرىمەن بايلانىستا بولماۋىن قامتاماسىز ەتۋ ماقساتىندا، مەدقىزمەتكەرلەر قوناق ۇيلەرمەن جانە تەگىن تاماقپەن قامتاماسىز ەتىلگەن.

«سوVID-19 كورونوۆيرۋسىمەن كۇرەس شەڭبەرىندە ەپيدەمياعا قارسى ءىس-شارالارعا تارتىلعان دەنساۋلىق ساقتاۋ ۇيىمدارىنىڭ جۇمىسكەرلەرىن قارجىلىق قولداۋدىڭ كەيبىر ماسەلەلەرى تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020 جىلعى 4 ساۋىردەگى № 28/2020 بۇيرىعىنا سايكەس، رەسپۋبليكالىق بيۋدجەتتەن سوVID-19 ىندەتىمەن كۇرەسۋ شەڭبەرىندە ەپيدەمياعا قارسى ءىس-شارالارعا قاتىساتىن دەنساۋلىق ساقتاۋ ۇيىمدارى قىزمەتكەرلەرى مەن تاۋەكەل توپتارىنىڭ جالاقىلارىنا ۇستەماقى تاعايىندالدى:

 1 ايعا (ناۋرىز) - 354 قىزمەتكەرگە بەرىلدى؛

 2 ايعا (ءساۋىر)  - 1101 قىزمەتكەرگە  بەرىلەدى.

سونداي-اق، وبلىس اكىمىنىڭ تاپسىرماسىمەن قوسىمشا جەرگىلىكتى بيۋدجەتتەن وبلىستىق جەدەل جاردەم ستانسيا قىزمەتكەرلەرىنە  ءساۋىر ايىندا بىررەتتىك  ەكى ايلىق ۇستەماقى تولەندى.