الماتىدا ەپيدەميولوگيالىق جاعداي تۇراقتالدى. بۇل تۋرالى الماتى قالاسى اكىمدىگىنىڭ باسپا ءسوز ورتالىعىندا وتكەن ونلاين-بريفينگتە قوعامدىق دەنساۋلىق باسقارما باسشىسى تىلەۋحان ابىلدايەۆ مالىمدەدى.

قالاداعى قازىرگى ەپيدەميولوگيالىق جاعداي جانە كوروناۆيرۋس ينفەكسياسىن جۇقتىرعان ازاماتتاردىڭ جاي-كۇيى تۋرالى تولىق اقپارات بەرگەن باسقارما باسشىسى بۇگىنگى تاڭدا مەگاپوليستە كوروناۆيرۋستىق ينفەكسيانى جۇقتىرۋدىڭ جاڭادان راستالعان، ياعني، كەشەگى 13 جانە بۇگىنگى كۇنگى 26 جاعدايى انىقتالعانىن، قازىرگى ۋاقىتتا الماتىدا جالپى 1622 Covid-19 جاعدايى تىركەلگەنىن ايتتى.

– اتالعان جاعدايلاردىڭ بارلىعى پروۆيزورلىق گوسپيتالداردا كارانتيندە بولعان ادامداردان انىقتالدى. بۇعان دەيىن ولار ۆيرۋس جۇقتىرعان ادامدارمەن بايلانىستا بولعان. قازىرگى ۋاقىتتا الماتىدا كوروناۆيرۋس ىندەتى بويىنشا جاعداي تۇراقتالدى، – دەدى ت. شىلدەباي ۇلى.

الماتى قالاسى قوعامدىق دەنساۋلىق باسقارما باسشىسى تىلەۋحان ابىلدايەۆتىڭ ايتۋىنشا، سوڭعى كۇندەرى Covid-19 ۆيرۋسىنا وڭ ناتيجەلەر تەك كارانتيندەگى ادامداردان انىقتالعانىن، سونداي-اق، جاڭا جۇقتىرۋ وشاقتارى تىركەلمەگەن.

– ستاسيونارلاردا كوروناۆيرۋستىق ينفەكسيادان 1145 ادام، پروۆيزورلىق گوسپيتالداردا 404 ازامات ەمدەلۋدە، كارانتيندە – 329 ادام جانە ۇيدە وقشاۋلاۋدا 15 327 ازامات بار. ستاسيونارلارداعى Covid-19 ۆيرۋسى بار 33 ەمدەلۋشىنىڭ جاي-كۇيى – اۋىر، 237 ادامدا – اۋىرلىقتىڭ ورتاشا دارەجەسىندە جانە قالعان ناۋقاستاردا سيمپتومسىز جەڭىل تۇردە وتۋدە. قازىرگى ۋاقىتتا الماتى قالاسىندا ءوجج اپپاراتىمەن ەمدەلىپ جاتقان ناۋقاستار دا، جاي-كۇيى اسا اۋىر دارەجەدەگى ناۋقاستار دا جوق، – دەدى ول.

باسقارما باسشىسى الماتىدا اتالعان ۆيرۋستان ەمدەلىپ جاتقان ادامداردىڭ باسىم كوپشىلىگىندە، دالىرەك ايتقاندا، ناۋقاستاردىڭ 77%-ىندا بۇل سىرقات جەڭىل تۇردە ءوتىپ جاتقانىن، ياعني حالىقارالىق تاجىريبەگە سايكەس ولار ەمدەۋدى قاجەت ەتپەيتىنىن، ءبىراق، ولار ۆيرۋستى تىكەلەي تاسىمالداۋشى بولىپ تابىلاتىنىن ەسكەرتتى.

– اتالعان ەمدەلۋشىلەرگە قاتىستى، ەگەر ۇيدەگى كارانتينگە ولاردا ءتيىستى جاعدايلار جاسالعان بولسا، وندا ولاردى ءۇي كارانتينىنە جىبەرۋ ماسەلەلەرى قارالاتىن بولادى، ال ەگەر ولارعا ۇيدە ءتيىستى جاعداي جاسالماعان بولسا، وندا كارانتيندىك ستاسيونارلاردا بولادى. مىسالى، قازىرگى ۋاقىتتا الماتىدا اۋرۋى جەڭىل تۇردە ءجۇرىپ جاتقان 68 مەديسينا قىزمەتكەرى ءۇي جاعدايىندا ءوزىن-وزى وقشاۋلاۋ جولىمەن ەمدەرىن اياقتاۋعا اۋرۋحانادان شىعارىلعان، – دەدى سپيكەر.

ناۋقاس ۇيدە وقشاۋلانعان جاعدايدا ءوزىنىڭ جاي-كۇيى تۋرالى تۇراقتى تۇردە ەسەپ بەرىپ وتىرۋى ءتيىس. ەگەر ول ءوزىن ناشار سەزىنسە دەرەۋ دارىگەردى شاقىرۋى قاجەت بولادى.

سپيكەردىڭ ايتۋىنشا، ەگەر ناۋقاس ۇيدە ەمدەلۋگە قالدىرىلسا، بۇل ونىڭ جاي-كۇيىن باقىلاۋدى توقتاتتى دەگەندى بىلدىرمەيدى. ونىڭ كۇندەلىكتى جاعدايىن ەمحانا قىزمەتكەرلەرى قوڭىراۋ شالۋ ارقىلى باقىلاۋدا ۇستاپ وتىرادى.

كەشە كوروناۆيرۋستىق ينفەكسيادان 38 ادام ەمدەلىپ شىقتى. بۇگىندە دەرتىنەن ايىعىپ، جازىلعانداردىڭ سانى 468 ادامعا جەتىپ وتىر.

مەگاپوليستە جالپى ۆيرۋس جۇقتىرعاندار ىشىنەن ساۋىعىپ شىققان ەمدەلۋشىلەر سانى بۇگىنگى كۇنى 29،0%-دى، ال ءۇي كارانتينىنە شىعارىلعانداردى ەسەپكە العاندا 33%-دى قۇرايدى.

باسقارما باسشىسى ءسوزىنىڭ سوڭىندا دارىگەردىڭ سەنىمدى سەرىگىنە اينالعان مەيىربيكەلەردى حالىقارالىق مەرەكەلەرىمەن قۇتتىقتادى. ولاردىڭ تج كەزىندە جاۋاپكەرشىلىك جۇگىن ارقالاي ءجۇرىپ، الدىڭعى شەپتە قىزمەت كورسەتكەنىن ايتا كەلىپ، وتباستارىنا اماندىق، ەڭبەكتەرىنە تابىس تىلەدى.