تۆيتتەردىڭ باس ديرەكتورى قىزمەتكەرلەرىنە جۇمىستى قاشىقتان "ماڭگى جالعاستىرا بەرۋگە بولاتىنىن" ايتتى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.
شتاب-پاتەرى سان-فرانسيسكودا ورنالاسقان كومپانيانىڭ 5000-عا جۋىق ادامنان تۇراتىن جۇمىسشىلارى ناۋرىز ايىنىڭ باسىنان باستاپ قاشىقتىقتان جۇمىس ىستەپ جاتىر.
– بىزدە ادامدارعا ۇيدە جۇمىس ىستەۋگە مۇمكىندىك بەرۋ ءۇشىن ەرەكشە جاعداي جاسالعان. وتكەن بىرنەشە ايدا جۇمىستى قاشىقتان جاساي الاتىنىمىزدى دالەلدەدىك. سوندىقتان ەگەر ءبىزدىڭ قىزمەتكەرلەرىمىز ۇيدەن جۇمىس ىستەي بەرەتىن رولدە بولسا جانە ولار مۇنى ماڭگى جاساعىسى كەلسە، ءبىز بۇنى جۇزەگە اسىرامىز،–دەپ تۆيتتەردىڭ باس ديرەكتورى دجەك دورسي ەلەكتروندى پوشتا ارقىلى قىزمەتكەرلەرگە جازعان.
پىكىر قالدىرۋ