سىبايلاس جەمقورلىققا قارسى ءىس-قيمىل اگەنتتىگى بىرنەشە شەنەۋنىك پارا ءۇشىن ۇستالعانىن حابارلادى.
قوستاناي قالاسىندا قۇرىلىس ءبولىمىنىڭ باسشىسى "نۇرلى جەر" باعدارلاماسى اياسىندا جاعدايى تومەن وتباسىلارعا ارنالعان پاتەرلەردى جەكە تۇلعالاردان ساتىپ الۋ كەلىسىمشارتتارىن راسىمدەگەنى ءۇشىن جەكە ريەلتوردان 800 مىڭ تەڭگە الدى دەگەن كۇدىككە ءىلىندى.
اتىراۋ وبلىسىندا قۇرمانعازى اۋدانى اكىمىنىڭ ورىنباسارى دا پارا الۋ ۇستىندە ۇستالعان.
"اتىراۋ وبلىسىنىڭ سىبايلاس جەمقورلىققا قارسى قىزمەتى وبلىس پروكۋراتۋراسىمەن بىرلەسە وتىرىپ، اتىراۋ وبلىسى قۇرمانعازى اۋدانى اكىمىنىڭ ورىنباسارى كاسىپكەرلىك قىزمەتكە زاڭسىز قاتىسۋ، سونىمەن قاتار پارا الۋ فاكتىسى بويىنشا ۇستادى. تەرگەۋ جۇمىستارى جالعاسادى" دەلىنگەن حابارلامادا.
تالدىقورعان گارنيزونى اسكەري پوليسيا ءبولىمى شتاب باسشىسىنىڭ ورىنباسارى پارا الۋ دەرەگى بويىنشا ۇستالعان. ول اسكەري بولىمشەلەردە تاماقتانۋعا قاتىستى كاسىپكەرلىك قىزمەتكە قامقورلىق جاساعان. سول ءۇشىن پارا الدى دەگەن كۇدىككە ىلىنگەن.
پىكىر قالدىرۋ